جو نکلی دل سے پہونچی لا مکان تک

جو نکلی دل سے پہونچی لا مکان تک

گئی آہِ رسا دیکھو کہاں تک

ستم کش ہیں بلا کے او ستم گر

ستم ڈھائے گا تو ان پر کہاں تک

وہ ارماں تھے کہ ہم دل سے نہ نکلے

وہ مطلب تھے نہ آئے جو زباں تک

تری الفت میں آخر جاں تک دی

اٹھاتے صدمۂ ہجراں کہاں تک

نہ ہم ہوں گے نہ ہوگا ہجر کا غم

یہ سب جھگڑے ہیں جانِ ناتواں تک

مکیں کیسا مکاں تک کو نپایا

تصور بن کے دھونڈھا لا مکاں تک

کروں اے رمزؔ عرضِ مدعا کیا

عیاں ہے یار پر رازِ نہاں تک