سحر چمن میں گلوں کی ہنسی بھی کام آئی

سحر چمن میں گلوں کی ہنسی بھی کام آئی

مگر نسیم کی آشفتگی بھی کام آئی

مہک رہا ہے ترا حسن بے رخی اس میں

ہمارے دل کی فسردہ کلی بھی کام آئی

وہ حسن دیکھ لیا تجھ میں جو نہ تھا تجھ میں

مری نگاہ کی نا آگہی بھی کام آئی

جنوں سہی یہ مرا ترک آرزو لیکن

مرے جنوں میں تری بے رخی بھی کام آئی

رہ غلط پہ قدم رکھ کے لوٹ آیا ہوں

کبھی کبھی مری کم ہمتی بھی کام آئی

وہاں ملے وہ جہاں کا مجھے گماں بھی نہ تھا

مرا جنون آوارگی بھی کام آئی

مری طلب سے زیادہ ملا مجھے میکشؔ

دم سوال مری خاموشی بھی کام آئی