ملامت پیشہ او جادو نین تھا

ملامت پیشہ او جادو نین تھا

دل رم کردہ وحشی ختن تھا

کہ جیوں پروانہ دل جاں سوکھتا ہے

مگر آیا او شمع انجمن تھا

لگایا تیر مژگاں جس کوں کل توں

پڑا میدان میں او بے دفن تھا

بنا گلدستۂ دستار تیشہ

نثار نام شیریں کوہ کن تھا

کہا او کاف کاکل کا مجے بھید

علی مرتضیٰ جو بت شکن تھا

دل قمری گیا جو مبتلا کر

الف قد او عجب سرو چمن تھا

غنیمت ہے جو کوئی بعد از کہے یوں

ترابؔ دردمند صاحب سخن تھا