امیر شہر کے آگے دہائی رہنے دے

امیر شہر کے آگے دہائی رہنے دے

پھٹے لباس میں شان گدائی رہنے دے

نہ جانے تیری ادا کا مزاج کب بدلے

ذرا سی دل میں مرے ہے وفائی رہنے دے

تمام گھر کے اثاثوں سے کچھ نہیں مطلب

ہمارے حجرے کی سوکھی چٹائی رہنے دے

یہ سچ ہے کوئی بھی خوبی نہیں ہے مجھ میں مگر

تمام عمر یوں ہی آشنائی رہنے دے

ہر ایک قطرۂ خوں کو بہت تسلی ہے

جگر میں جلوۂ دست حنائی رہنے دے

تو اپنے حسن عمل کا خیال رکھ گوہرؔ

گنہگاروں کی کچھ برائی رہنے دے