دل کو آمادہ بہ پیکاں دم بدم کیوں کر کریں

دل کو آمادہ بہ پیکاں دم بدم کیوں کر کریں

ان کی خاطر اتنے ساماں ہم بہم کیوں کر کریں

اپنی آہیں عرش کو گرچہ ہلا دیں گی مگر

کوئی سنتا بھی تو ہواظہارغم کیوں کر کریں

ہم پہ فرمائش ہے ضبطِ نالۂ دل گیر کر

آپ اتنا تو بتادیں کم سے کم کیوں کر کریں

اپنی رسوائی کے باعث آپ ہوتے ہوں تو ہوں

راز اپنی زندگی کا فاش ہم کیوں کر کریں

اپنی خود داری بھی تو اک چیز ہے آخر شرفؔ

ان کی ہر خواہش کے آگے سر کو خم کیوں کر کریں