کون البیلا رمتا جوگی روپ نگر میں آیا ہے
کون البیلا رمتا جوگی روپ نگر میں آیا ہے
درشن جل کی پیاس بڑھی ہے جس نے درشن پایا ہے
روپ انوپ ہے اس کا آلی متوالے متوالے نین
چندا ایسا مکھڑا اس کا رام نے آپ بنایا ہے
انگ انگ سے مستی برسے نینوں سے رس کی بوندیں
کس بیرن نے جوبن رت میں اس کا چین اڑایا ہے
گھونگھٹ گھونگھٹ چندا چمکے آنگن آنگن پھول کھلے
روپ نگر کی جن گلیوں میں اس نے الکھ جگایا ہے
کنج کنج میں اس کی باتیں پنگھٹ پنگھٹ اس کی یاد
روپ نگر میں اس جوگی کے روپ نے رنگ جمایا ہے
اک اک من میں ہوک اٹھائے اس کی بنسی کا سنگیت
کس سجنی کا ساجن ہے وہ کس ماتا کا جایا ہے
کوئی نہ سمجھے کوئی نہ جانے اس کے دکھیا من کا روگ
ایسا لگتا ہے ماٹی میں اس نے لعل گنوایا ہے
کوئی نہ پوچھے اس جوگی سے جوگی من کی بات بتا
کس کے کارن جوگ لیا ہے کیوں جگ کو ٹھکرایا ہے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
