تمہارے حسن کی جب تک بہار باقی ہے

تمہارے حسن کی جب تک بہار باقی ہے

جو چاہو ظلم کرو اختیار باقی ہے

خدا کے واسطے صورت دکھا دے او ظالم

میں جاں بلب ہوں ترا انتظار باقی ہے

کیا جو وصل کا انکار کھل گیا ہم کو

تمہارے دل میں ابھی تک غبار باقی ہے

یہ فصل ہے کہ چلو باغ میکشی ہو جائے

شراب شیشے میں ہے اور بہار باقی ہے

خدا کے فضل سے اتنا تو ہو گیا حاصل

بتوں کے دل میں ابھی تک غبار باقی ہے

تمہارے آنکھ سے ثابت ہوا ہے اے اکبرؔ

شراب وصل کا اب تک خمار باقی ہے