بدل سکتی ہیں کب تقدیر عالم ان کی تدبیریں

بدل سکتی ہیں کب تقدیر عالم ان کی تدبیریں

خدا کے ہاتھ میں خود ہیں خودی والوں کی تقدیریں

کئے جائیں مجھے تحلیل آزادی کی تدبیریں

گھلیں گے پاؤں تو خود ہی اتر جائیں گی زنجیریں

ابھی محرم نہیں تو اشک و آہ آخر شب کا

حیات افروز ہیں آب و ہوائے دل کی تاثیریں

یہ دنیائے مجاز آئینہ ہے حقیقت کا

چھپا کر اپنی صورت پھینک دی ہیں اپنی تصویریں

مری خاموشیوں پر مجھ کو دنیا طعن دیتی ہے

یہ کیا جانے کہ چپ رہ کر بھی کی جاتی ہیں تقریریں

بقدر فطرت انسانیت سیماب سیمابؔ نادم ہوں

میں دانستہ نہیں کرتا ہوں ہو جاتی ہیں تقصیریں