پھر بہار آئی چمن میں زخم دل آئے ہوئے

پھر بہار آئی چمن میں زخم دل آئے ہوئے

پھر مری داغِ جنوں آتش کی پر کالے ہوئے

اس طرح چھوڑوں یکا یک تیری زلفوں کا خیال

ایک مدت سے یہ کالے ناگ ہیں پالے ہوئے

کیا تاثیر ہے رخسار آتش ناک کی

شعلۂ جوالہ تیرے یہ کان کے بالے ہوئے

جب شب تاریک میں ہم کوئے جانان کو چلے

آگے آگے جائے مشعل آتشیں نالے ہوئے

وہ پری پیکر کہا کرتا تھا اکثر فخر سے

اب تو ناسخؔ بھی ہمارے چاہنے والے ہوئے