اللہ کے پیارے سجن گاہے نظر بر من فگن

اللہ کے پیارے سجن گاہے نظر بر من فگن

دھو دھو پیوں تمہرے چرن گاہے نظر برمن فگن

تو دین اور ایمان مرا یا مصطفیٰ خیر الوریٰ

ہے نام کا تیرے بھجن گاہے نظر بر من فگن

آدم سے تا حور و پری بلہار میں تم پر نبی

کہتے ہیں جنگل کے ہرن گاہے نظر بر من فگن

پیارے پیا پیاں پروں کر جوڑ کر بنتی ہوں

انچرا اٹھا مکھ سے سجن گاہے نظر بر من فگن

تیری انوکھی ہے پھبن اور ہے نرالا بانکپن

چندن بدن سورج برن گاہے نظر بر من فگن

سب چھٹ گئی سیر چمن سب کر چکا ہوں میں جتن

جینا ہے تیرے بن کٹھن گاہے نظر بر من فگن

میں دل سے تیرا ہو چکا تیرے دوارے آ پڑا

اور آ لیا تیرا سرن گاہے نظر بر من فگن

تم بن ہمارا کون تھا دوزخ سے جو لیتا بچا

تم نے یہ پالا ہے پرن گاہے نظر بر من فگن

ملک عدم کو جب چلا اپنا پرایا چھٹ گیا

کس کام کے بھائی بہن گاہے نظر برمن فگن

ملک عدم کو جب چلا اپنا پرایا چھٹ گیا

کس کام کے بھائی بہن گاہے نظر بر من فگن

میں کر چکا سو سو جتن ملنے کے تیرے اے سجن

تیری جدائی ہے کٹھن گاہے نظر بر من فگن

اچھا کہو کوئی بڑا ایمان و دین تو ہے مرا

اور ہے یہی میرا بچن گاہے نظر بر من فگن

قربان ترے انداز کے صدقہ ہوں تیرے ناز کے

جامہ شفاعت کا پہن گاہے نظر بر من فگن

ترا خلیلؔ خستہ تن کہتا ہے اے شاہ زمن

بنگر بحال زار من گاہے نظر بر من فگن