اس قدر آنکھیں مری محو تماشا ہو گئیں

اس قدر آنکھیں مری محو تماشا ہو گئیں

پتلیاں پتھرا کے آخر سنگ موسیٰ ہو گئیں

روئے رنگیں سے بھی وہ گیسوئے خط ہے دل فریب

بوئیاں بھی اس گلستاں کی تماشا ہو گئیں

باغ کو سرسبز باران بہاری نے کیا

شائقوں کے واسطے تسبیح یہ پیدا ہو گئیں

صورت کافور بوویں اس کی اب اڑتی تو ہیں

چشمۂ خورشید تک پہنچیں تو دریا ہو گئیں

جس طرف سودے میں ان زلفوں کے میں وحشی ہوا

اس طرف سے دو بلائیں میرے پیدا ہو گئیں

قاف میں بھی سکہ بیٹھا حسن عالمگیر کا

آتشؔ اپنے یار کی پریاں بھی شیدا ہو گئیں