tumhaare kuche mein aake ai jaan namaz hum yun ada karenge

tumhāre kūche meñ aake ai jaañ namāz ham yuuñ adā kareñge

tumhī ko pūjeñge dam-ba-dam ham tumhī ko sajda kiyā kareñge

'atā kyā hai jo dard tum ne use na dil se judā kareñge

na baaz ā.eñge ġham se tere na ġham kī tere davā kareñge

na.ī adā.eñ koī dikhā.e hazār raste koī batā.e

hameñ sikhāyā hai jis ne miTnā ham us pe īmāñ fidā kareñge

agar haiñ ham tujh par marne vaale agar haiñ ham tere sachche 'āshiq

na uThne deñge dhuāñ jigar se hazār ġham se jalā kareñge

tirī ḳhushī meñ bas ham bhī ḳhush haiñ razā meñ ham bhī haiñ terī raazī

zabāñ chillā.enge ham na tujh se na terā koī gilā kareñge

huzūr un kī qubūl hogī unhī ke hoñge bahisht-o-kausar

jo terī mahfil meñ aake ai jaañ nazar ke sāġhar piyā kareñge

kabhī na chhoḌeñge us kā dāman jo hai sarāpā matā’-e-dāman

na kaam manzūr aa sake jo ham aisī daulat kā kyā kareñge

tumhaare kuche mein aake ai jaan namaz hum yun ada karenge

tumhi ko pujenge dam-ba-dam hum tumhi ko sajda kiya karenge

'ata kya hai jo dard tum ne use na dil se juda karenge

na baz aaenge gham se tere na gham ki tere dawa karenge

nai adaen koi dikhae hazar raste koi batae

hamein sikhaya hai jis ne miTna hum us pe iman fida karenge

agar hain hum tujh par marne wale agar hain hum tere sachche 'ashiq

na uThne denge dhuan jigar se hazar gham se jala karenge

teri KHushi mein bas hum bhi KHush hain raza mein hum bhi hain teri raazi

zaban chillaenge hum na tujh se na tera koi gila karenge

huzur un ki qubul hogi unhi ke honge bahisht-o-kausar

jo teri mahfil mein aake ai jaan nazar ke saghar piya karenge

kabhi na chhoDenge us ka daman jo hai sarapa mata’-e-daman

na kaam manzur aa sake jo hum aisi daulat ka kya karenge