dila ghafil na ho ek dam ki duniya chhoD jaana hai

dilā ġhāfil na ho ek dam ki duniyā chhoḌ jaanā hai

baġhīche chhoḌ ke ḳhālī zamīñ andar samānā hai

terā nāzuk badan bhaa.ī jo leTe sej phūloñ par

hovegā ek din murdār kar maane ye khānā hai

ajal ke roz ko kar yaad kar sāmān chalne kā

zamīñ ke farsh par sonā īñToñ kā sirhānā hai

na belī ho sake bhaa.ī na beTā baap te maa.ī

tu kyā phirtā hai saudā.ī 'amal ne kaam aanā hai

jahāñ ke shaġhl meñ shāġhal ḳhudā kī yaad se ġhāfil

kareñ duniyā jo ye dā’vā merā daa.im Thikānā hai

ġhalat fahmīd hai terī nahīñ ārām is pal meñ

musāfir be-vatan hai tū kahāñ terā Thikānā hai

farishta roz kartā hai munādī chaar khūñToñ par

mohallāñ ūñchiyāñ vaale terā goreñ Thikānā hai

kahāñ vo māh-e-kan’ānī kahāñ taḳht-e-sulaimān

ga.e sab chhoḌ ye faanī agar nādān-o-dānā hai

'azīz yaad kar vo din jo malak-ul-maut āvegā

na jaave saath tere ko akelā teñ ne jaanā hai

dila ghafil na ho ek dam ki duniya chhoD jaana hai

baghiche chhoD ke KHali zamin andar samana hai

tera nazuk badan bhai jo leTe sej phulon par

howega ek din murdar kar mane ye khana hai

ajal ke roz ko kar yaad kar saman chalne ka

zamin ke farsh par sona inTon ka sirhana hai

na beli ho sake bhai na beTa bap te mai

tu kya phirta hai saudai 'amal ne kaam aana hai

jahan ke shaghl mein shaghal KHuda ki yaad se ghafil

karen duniya jo ye da’wa mera daim Thikana hai

ghalat fahmid hai teri nahin aaram is pal mein

musafir be-watan hai tu kahan tera Thikana hai

farishta roz karta hai munadi chaar khunTon par

mohallan unchiyan wale tera goren Thikana hai

kahan wo mah-e-kan’ani kahan taKHt-e-sulaiman

gae sab chhoD ye fani agar nadan-o-dana hai

'aziz yaad kar wo din jo malak-ul-maut aawega

na jawe sath tere ko akela ten ne jaana hai