میں ڈھونڈوں کہاں تجھ کو اے یار جانی میری نفس و قالب میں اور جان میں تو ہے

میں ڈھونڈوں کہاں تجھ کو اے یار جانی میری نفس و قالب میں اور جان میں تو ہے

نہیں آتا کیوں میری آنکھوں کے آگے میری چار عنصر کے ارکان میں تو ہے

خط و خال و حسن و جمال و ادائیں کرشمہ ہے تو اور انداز ہے تو

فراق و غم و رنج حرمان میں تو ہے تو جلوہ گرِ زلف پیچان میں تو ہے

تجلی و انوار اسرار پنہاں ترے حسن جان سوز کا شعبدہ ہے

تو خود عشق و معشوق ہو کر کے اپنا نمایاں میری چشم حیراں میں تو ہے

جہاں میں نے ڈھونڈا وہیں تجھ کو پایا ترا جلوہ آنکھوں میں میری سمایا

خس و خار و اشجار و گلزار و بلبل خزاں میں بہار گلستاں میں تو ہے

خود اپنا تو لیلیٰ بنا خود ہی شیریں تو خود اپنا خسرو ہے باجاہ و تمکیں

تو ہے آبلہ پائے مجنوں خود اپنا جو دیکھا تو خود ہی بیاباں میں تو ہے

ازل تو ابد تو یہاں تو وہاں تو میں تو مکاں تو زمیں تو زماں تو

عیاں تو نہاں تو زباں تو بیاں تو میرے لب پہ اور چشم گرباں میں تو ہے

فلک میں ملک میں قمر میں گہر میں حجر میں شجر میں نظر میں بصر میں

بحور و جبال دیم و ابر نیسان در و لعل دیا قوت مرجان میں تو ہے

کہاں ہوں کدھر ہوں میں ہوں کون کیا تھا اور اب ہوں تو کیا ہوں کہاں ہوں بتاؤ

جو کچھ ہے تو تو ہے میرے روبرو ہے میری جاں اور دل کے ایوان میں تو ہے

نظر میں گزر میں جگر میں شرر میں شجر میں اثر میں بشر میں ثمر میں

اگر میں مگر میں سفر میں حضر میں تو ہے وار نہیں پھر ہر اک شان میں تو ہے

میرے یار غمخوار دلدار جانی نہیں تیرا دونوں جہاں میں ہے ثانی

سنے درد کی کون میرے کہانی غم و غصہ و رنج پنہاں میں تو ہے

خلیلؔ جگر خستہ افگار چار ہر بار کہ تو محمد محمد

نکل ہند سے چل مدینہ کو اب تو یہاں کیوں پڑا دار عصیاں میں تو ہے