شاہ فرہاد میں عشق ضم ہو گیا

شاہ فرہاد میں عشق ضم ہو گیا

محترم اور بھی محترم ہو گیا

حاسدو کر رہے ہو عبث تم حسد

اس پہ خالق کا اپنے کرم ہو گیا

حسن تقویٰ ملا اور ولایت ملی

سر امیروں کا بھی در پہ خم ہو گیا

حق تعالیٰ کی رحمت جو ہاتھ آ گئی

سارا سنسار زیر قدم ہو گیا

مثل شمس و قمر وہ چمکنے لگا

نوری نوری وہ خاکی صنم ہو گیا

اس کو عشق نبی نے کیا محترم

ایک قطرہ تھا بحر کرم ہو گیا

فیض حاصل ہوا اس سے ہے اس قدر

دور آصفؔ کا اب سارا غم ہو گیا