داتا ترا دربار ہے رحمت کا خزانہ

داتا ترا دربار ہے رحمت کا خزانہ

ہے تیری سخاوت کا ہر اک لب پہ ترانہ

میرا ہی نہیں قول ہے ہر ایک ولی کا

حسنین کا زہرا کا محمدؐ کا علی کا

دن رات ہمیں تیرے کرم کا ہے سہارا

منگتوں کا ترے کوچے میں ہوتا ہے گزارا

در ہے ترا دنیا میں غریبوں کا ٹھکانہ

صدقہ ترے دربار سے پاتا ہے زمانہ

ہے کام ترا بگڑے مقدر کو بنانا

اجمیر کے خواجہ نے بھی داتا تجھے مانا

اللہ کے ولیوں میں تو ولیوں کا ولی ہے

تو آل پیمبر ہے تو اولاد علی ہے

لاہور میں رحمت ہے خدا کی ترے دم سے

پرنمؔ کی ہے ہر بات بنی تیرے کرم سے