مدینے کا ٹکٹ کر دو عطا سرکار_ربانی

مدینے کا ٹکٹ کر دو عطا سرکار ربانی

ثنا گوئی کا مل جائے صلہ سرکار ربانی

یہ پانچوں گل چمن کے ایک گلدستے میں آ جائیں

تمہیں ہے پنجتن کا واسطہ سرکار ربانی

مجھے قطرہ نہ تم سمجھو جڑا ہوں اک سمندر سے

میں لا وارث نہیں میرے شہا سرکار ربانی

تمہیں دیکھوں تو بے چینی نہ دیکھوں تو بھی بے چینی

عجب ہے دل کا میرے مسئلہ سرکار ربانی

میں تنہا ہو کے بھی تنہا کبھی بھی رہ نہیں پایا

تصور میں رہا جلوہ ترا سرکار ربانی

کوئی بھی اس حقیقت کو کبھی جھٹلا نہیں سکتا

جمال غوث کا ہیں آئینہ سرکار ربانی

علی کے فیض کا اب نور کیوں نہ پھیلے محفل میں

ہے ان کی آل کی نوری ضیا سرکار ربانی