مشکل ٹالو شاہ_امم کر دو آقا نظر_کرم

مشکل ٹالو شاہ امم کر دو آقا نظر کرم

کرم تمہارا عام ہے جہاں پہ مہربان ہو تم

کرم کی بھیک دو ہمیں کریما بے کساں ہو تم

محتاجوں کا رکھ لو بھرم کر دو آقا نظر کرم

تمہارے در سے یا نبی کہاں فقیر جائیں گے

تمہی سے لو لگائی ہے تمہی سے بھیک پائیں گے

منگتے ہیں اس در کے ہم کر دو آقا نظر کرم

ادھر بھی شاہ مرسلیں کوئی اشارا چاہیے

حبیب کبریا کرم تمہارا چاہیے

کب تک جھیلیں رنج و الم کر دو آقا نظر کرم

جمال حق نما ہو تم یہ سب تمہارا نور ہے

تمہارے فیض عام کا ہر جگہ ظہور ہے

ہم دکھیوں کے ٹالو غم کر دو آقا نظر کرم

گرے ہیں مشکلوں میں ہم بڑا کٹھن مقام ہے

ہمارے لب پہ مصطفیٰ فقط تمہارا نام ہے

ہر منگتے کی آنکھ ہے نم کر دو آقا نظر کرم