انوار_حق عیاں ہیں خواجہ کے آستاں سے

انوار حق عیاں ہیں خواجہ کے آستاں سے

اس بے نشاں کو پایا میں نے اسی نشاں میں

روشن ہے کل زمانہ جس حسن ضو فشاں سے

حسن معین دیں ہے چمکا جو لا مکاں سے

خواجہ کی برکتوں سے خواجہ کی رحمتوں سے

اجمیر کی وہ گلیاں ملتی ہیں آسماں سے

جود و عطا و بخشش فیضان کے کرم کے

چشمے ابل رہے ہیں خواجہ کے آستاں سے

محتاج و بے نوا کی اب لاج ہے تجھی کو

سب کچھ اٹھوں گا لے کر تیرے ہی آستاں سے

تیری تجلیوں میں گم ہو چکا ہے حیرت

پائے نشان اپنا حیرت زدہ کہاں سے