انجمن میں سیکڑوں ہیں ان میں نیارے چار ہیں

انجمن میں سیکڑوں ہیں ان میں نیارے چار ہیں

احمد مختار کی آنکھوں کے تارے چار ہیں

دیکھنے کو حسنِ قدرت چشمِ بینا چاہئے

اک حقیقت ہے مجازاً استعارے چار ہیں

آج بھی روشن ہے جس کی ضو سے مومن کا دماغ

وہ ستارے چار ہیں ہاں وہ ستارے چار ہیں

یہ صداقت یہ عدالت یہ شجاعت یہ حیا

اہلِ ایماں کی شفاعت کے سہارے چار ہیں

معتبر ہے رحمتِ کل کا یہ فرمایا ہوا

ایک ہی دریا ہے لیکن اس کے دھارے چار ہیں