کل انبیا سے افضل عالی_مقام ہیں وہ

کل انبیا سے افضل عالی مقام ہیں وہ

اللہ بھیجتا ہے جس پر سلام ہیں وہ

اقصیٰ میں کی امامت سارے پیمبروں کی

سارے پیمبروں کے بے شک امام ہے وہ

نبی سیدالانبیا کے برابر

نہ پہلے تھا کوئی نہ اب ہے نہ ہوگا

محمدؐ کا ثانی محمدؐ کا ہم سر

نہ پہلے تھا کوئی نہ اب ہے نہ ہوگا

ان سا نہ پہلے تھا کوئی نہ اب ہے نہ ہوگا

رسول اور بھی آئے جہان میں لیکن

ان سا نہ پہلے تھا کوئی نہ اب ہے نہ ہوگا

طٰہٰ و یٰسین مزمل

مرکز کل اور حسن مکمل

نہ پہلے تھا کوئی نہ اب ہے نہ ہوگا

نور مبیں حق کے قریں

فرش مکیں ہیں عرش نشیں ہیں

ان سا نہ پہلے تھا کوئی نہ اب ہے نہ ہوگا

نور منور اول و آخر

روشن روشن باطن ظاہر

ان سا نہ پہلے تھا کوئی نہ اب ہے نہ ہوگا

رسول مجتبیٰ کہئے

محمدؐ مصطفیٰ کہئے

خدا کے بعد بس وہ ہیں

پھر اس کے بعد کیا کہئے

ان سا نہ پہلے تھا کوئی نہ اب ہے نہ ہوگا

محمدؐ کا ثانی محمدؐ کا ہم سر

نہ پہلے تھا کوئی نہ اب ہے نہ ہوگا

اگر ہے تو اک ذات اللہ کی ہے

جو ذات محمد سے اعلیٰ ہے ورنہ

محمدؐ سے اعلیٰ محمدؐ سے بڑھ کر

ان سا نہ پہلے تھا کوئی نہ اب ہے نہ ہوگا

جسے حق نے بلوایا عرش علا پر

ہوا فضل حق سے جو مہمان داور

خدا کی خدائی میں ایسا پیمبر

ان سا نہ پہلے تھا کوئی نہ اب ہے نہ ہوگا

زلیخا تھیں جس پہ فدا جان و دل سے

وہ یوسف بڑے خوب صورت تھے لیکن

رخ مصطفیٰ سے حسیں روئے انور

ان سا نہ پہلے تھا کوئی نہ اب ہے نہ ہوگا

نبیؐ سارے محبوب ہیں کبریا کے

مگر یہ بھی سچ ہے بہ جز مصطفیٰ کے

حبیب خدا دونوں عالم کا دلبر

ان سا نہ پہلے تھا کوئی نہ اب ہے نہ ہوگا

بڑائی میں پرنمؔ وہ بعد از خدا ہیں

شہ انبیاء ہیں شہ دوسرا ہیں

بشر ان کے رتبے کا اللہ اکبر

نہ پہلے تھا کوئی نہ اب ہے نہ ہوگا

بھی رتبے میں پہلے پر آخر میں آئے

بشر ان کے رتبے پہ قربان جائے

محمدؐ سا افضل محمدؐ سا آخر

ان سا نہ پہلے تھا کوئی نہ اب ہے نہ ہوگا