شرف_مآب اے عالی وقار تیغ_علی

شرف مآب اے عالی وقار تیغ علی

تمہارے فقر پہ شاہی نثار تیغ علی

تمام عمر قیام و سجود میں گزری

تھے ایک عابد شب زندہ دار تیغ علی

تمہارا نیر اقبال ہے ضیا پرور

ہے ذات لائق صد افتخار تیغ علی

بنا ہوا ہے تجلی کا مہبط و مصدر

تمہارا روضہ زریں نگار تیغ علی

تمہارے باغ عقیدت کا خوشہ چیں جو ہے

ہمیشہ ہے وہ میاں بہار تیغ علی

جلائی تم نے جو قندیل معرفت اس سے

رہ سلوک ہوئی نور بار تیغ علی

ہے دید و داد کے قابل زمین سر کا نہیں

ہے لمحہ لمحہ یہاں مشک بار تیغ علی

ملی ہے آپ کی زلف کرم سے عاشق کو

نسیم و بہجت صبح قرار تیغ علی

ہمیشہ تم نے نوازا ہے سوچ سے بڑھ کر

کبھی دکھا ہی نہیں اختصار تیغ علی

اسے بھی چشم عنایت سے مستفیض کریں

ہے در واصفؔ عصیاں شعار تیغ علی