زندگی کا ہے مزہ تو آپ کے دربار میں

زندگی کا ہے مزہ تو آپ کے دربار میں

ہے خدا والوں کی جنت کوچہ دل دار میں

ہم پہ بھی چشم کرم فرمائیے مخدوم من

آج ہم بھی آگئے ہیں عشق کی سرکار میں

بادشاہوں کو عطا کی سلطنت تاج شہی

کچھ عطا کر دیں ادھر بھی دامن نادار میں

اک نظر جس پر پڑی وہ آپ ہی کا ہو گیا

کیا عجب تاثیر ہے حسن و جمال یار میں

شاہباز لا مکانی آپ ہی کے فیض سے

منقبت کے پھول کھلتے ہیں مرے اشعار میں

ہے ضیائےؔ بے سر و سامان محتاج کرم

سنتے ہیں شان کریمی ہے تری سرکار میں