آمدن رسول روم تا امیر المومنین عمر رضی اللہ عنہ و دیدن او کرامات عمر رضی اللہ عنہ

قیصرِ روم کے ایلچی کا پیغام لے کر حضرتِ عمر رضی اللہ عنہ کے پاس آنا

قیصر کا ایک ایلچی (حضرت) عمرؓ کے پاس آیا

دور و دراز جنگل سے، مدینہ میں

بولا! اے متعلقین خلیفہ کا محل کہاں ہے؟

تاکہ میں گھوڑا اور سامان وہاں لے جاؤں

لوگوں نے کہاں، اُن کا کوئی محل نہیں ہے

عمرؓ کا محل تو اُن کی روشن جان ہے

گرچہ اُن کی سرداری کی شہرت ہے

لیکن فقیروں جیسی اُنکی جھونپڑی ہے

اے بھائی! تو اُس کا محل کیسے دیکھ سکتا ہے؟

جبکہ تیرے دل کی آنکھ میں پڑوال اُگا ہے

دل کی آنکھ کو پڑوال سے صاف کر لے

پھر اُس کے محل کے دیکھنے کی امید کر

جس کی جان ہوسوں سے پاک ہے

وہ دربار اور پاک محل جلد دیکھ لیگا

جب محمد (صلی اللہ علیہ وسلم) آگ اور دھوئیں سے پاک ہوگئے

جس طرف بھی رُخ کیا خدا کی ذات تھی

جبکہ تو دشمن وسوسہ کا دوست ہے

اللہ کی ذات کو کب دیکھ سکتا ہے؟

جس کسی کے سینہ کا دروازہ کھل جائے

وہ ہرذرّہ میں آفتاب دیکھے گا

دوسروں کے درمیان اللہ اِس طرح روشن ہے

جیسا کہ ستاروں میں چاند

دو انگلیوں کے سَرے دونوں آنکھوں پر رکھ

انصاف کر، دنیا کا تجھے کچھ نظر آتا ہے

اگر تو نہیں دیکھتا ہے یہ دنیا تو معدوم نہیں ہے

منحوس نَفسْ کی اُنگلی کے علاوہ کوئی عیب نہیں ہے

خبردار! آنکھ سے اُنگلی ہٹا لے

پھر تو جو کچھ چاہتا ہے، دیکھ

’’امّت نے نوح (علیہ السلام) سے کہا ثواب کہاں

اس نے کہا وسْتَغْشَوْا ثِیابَہُم کے اُس طرف ہے

تم نے مُنہ اور سَر کپڑوں میں لپیٹ رکھا ہے

لا محالہ آنکھ والے ہو کر (بھی) نابینا بنے ہو

آدمی تو بینائی ہے، باقی کھال ہے

دید تو دراصل محبوب کی دید ہے

جبکہ دوست کا دیدار نہ ہو، اندھا ہونا اچھّا ہے

جو دوست باقی رہنے والا نہ ہو اُسکا دور ہونا اچھّا ہے

جب روم کے ایلچی نے یہ تر و تازہ لفظ

سُنے، تو وہ زیادہ مشتاق ہو گیا

آنکھیں حضرتِ عمرؓ کے ڈھونڈنے پر لگا دیں

سامان اور گھوڑے کو بغیر حفاظت کے چھوڑ دیا

اُس مردِ کا رکی تلاش میں ہر طرف

دیوانوں کی طرح پوچھتا پھرتا

کہ ایسا آدمی بھی دُنیا میں ہوگا

جو جان کی طرح دُنیا سے پوشیدہ ہو

اُنکو ڈھونڈا تاکہ اُنکا غلام جیسا ہو جائے

لا محالہ تلاش کرنیوالا، پالینے والا ہوتا ہے

ایک بدّو عورت نے اُس کو اجنبی دیکھ کر

کہا یہہ عمرؓ اُس کھجور کے نیچے ہیں

کھجور کے درخت کے نیچے مخلوق سے جدا

خدا کے سایہ کو سایہ میں سوتا دیکھ