آتش کردن بادشاه جہود و بت نہادن پہلوۓ آتش کہ ہر کہ ایں بت را سجود کند از آتش برست‌‌

بادشاہ کا، آگ جلانا اور آگ کے پاس بت رکھنا کہ

دیکھو ! اس یہودی کتے نے کیا تدبیر کی،

آگ کے پاس ایک بت کھڑا کر دیا

کہ جو اس بت کو سجدہ کریگا چھوٹ جائیگا

اور اگر نہیں کریگا، آگ میں بھسم ہوجائیگا

چونکہ اس نے اپنے نفس کے بت کو سزا نہ دی تھی

اس کے نفس کے بت سے ایک دوسرا بت پیدا ہوگیا

تمہارا نفس تمام بتوں کی ماں ہے

کیونکہ وہ بت سانپ اور یہ بت اژدہا ہے

نفس، لوہا اور پتھر ہے اور بت چنگاری

چنگاری، پانی سے بجھ جاتی ہے

(لیکن) پتھر اور لوہا پانی سے کب ساکن ہو سکتے ہیں؟

آدمی ان دونوں کے ہوتے ہوئے کب مطمئن ہو سکتا ہے؟

بت، کوزہ میں چھپا، کالا پانی ہے

نفس کو اس سیاہ پانی کا چشمہ سمجھو

وہ تراشا ہوا بت، کالا سیلاب ہے

بت ساز، نفس شارع عام پر چشمہ ہے

پتھر کا ایک ٹکڑا سو گھڑے توڑ دیتا ہے

اور چشمہ کا پانی فوراً اس کواچھال دیتا ہے

بت توڑنا ، آسان اور بہت آسان ہوتا ہے

نفس کے معاملہ کو آسان سمجھنا نادانی ہی نادانی ہے

اے بیٹا ! اگر تجھے نفس کی تصویر کی جستجو ہے

تو سات دروازے والی دوزخ کا قصہ پڑھ لے

(اس نفس کے) ہر سانس میں ایک مکر ہے اور اس کے ہر

سو فرعون ، فرعونیوں کے ساتھ غرق ہیں

موسیٰ کے خدا، اور موسیٰ کی طرف بھاگ

فرعونیت سے ایمان کی آبروریزی نہ کر

احد اور احمد سے تعلق پیدا کر

اے بھائی ! جسم کے ابوجہل چھٹکارا حاصل کر