باز گفتن بازرگاں با طوطی آں چہ دید از طوطیان ہندوستاں

سودا گر کا پھر طوطی سے کہنا جو کچھ اُس نے ہندوستان میں دیکھا تھا

سودا گر نے تجارت مکمّل کر لی

اور وطن کی طرف خوشی سے لوٹا

ہر غلام کے لئے سوغات لایا

اُس نے ہر کنیز کو ایک نشانی دی

طوطی بولی بندی کا تحفہ کہاں ہے؟

جو تو نے دیکھا اور جو کہا وہ بھی بیان کر

وہ بولا نہیں، میں اُس سے خود شرمندہ ہوں

اپنے ہاتھ کو چبارہا ہوں اور اُنگلیوں کو کاٹتا ہوں

کہ کیوں لغویت سے بیکار پیغام

میں لے گیا، بے عقلی اور غلطی سے؟

اُس نے کہا اے خواجہ! کس بات سے شرمندگی ہے؟

کونسی بات ہے جو غصّہ اور غم کی مُتقاضی ہے

اُس نے کہا میں نے تیری شکایتیں بتائیں

تیری ہم جنس طوطیوں کو

ایک طوطی کو تیرے درد کا احساس ہوا

اُس کا پتّہ پھٹا، کپکپائی اور مر گئی

میں شرمندہ ہوا کہ یہ کیا ہے کی بات تھی

لیکن جب کہہ چکا تو شرمندگی سے کیا فائدہ؟

جو بات اچانک زبان سے نکل گئی

اُس کو اُس تیر جیسا سمجھ جو کمان سے نکل جائے

اے بیٹا! وہ تیرا راستہ سے واپس نہیں آسکتا

سیلاب کو ابتدا ہی سے بند کرنا چاہئے

جب پانی سر سے گزر گیا اُس نے دنیا کو گھیر لیا

اگر دنیا کو ویران کردے تو کوئی تعجّب نہ ہوگا

غیب میں فعل کے آثار پیدا ہونے والے ہیں

اور اُس کے وہ نتیجے مخلوق کے حُکم سے نہیں ہیں

بغیر شرکت یہ سب خدا کے پیدا کردہ ہیں

تمام نتیجے، اگر چہ انکی نسبت ہماری طرف ہے

زید نے عمرو کی طرف تیر چلایا

اور اُس کے تیر نے عمرو کو تیندوے کی طرح دبوچ لیا

سال بھر درد ہوتا رہا

دردوں کو خدا پیدا کرتا ہے، نہ کہ انسان

اگر تیر چلانے والا زید خوف سے اُسی وقت مرگیا

اُس جگہ مرنے تک درد پیدا ہوتے رہینگے

جب وہ درد کے اُن نتیجوں سے مرگیا

زید کو ابتدائی سبب کی وجہ سے قاتل کہو

اُن دردوں کو اُس کی طرف منسوب کر

اگرچہ وہ سب اللہ کی کار فرمائی ہے

اِسی طرح کمائی اور تدبیر اور جال اور ہمبستری

وہ سب کام اللہ کے پیدا کردہ اور مقدور ہیں

اللہ کی جانب سے اولیاء کو قدرت حاصل ہے

(کہ وہ) چھوٹے ہوئے تیری کو راستہ سے واپس لے آئیں

سبب سے نتیجوں کے درداز کے بند ہو جاتے ہیں

خدا کے ہاتھ سے، جب ولی شرمندہ ہوتا ہے

دروازہ کھلا ہوا ہونیکی وجہ سے وہ کہے ہوئے کو نہ کہا ہوا کر دے

تاکہ اُس سے سیخ جلے نہ کباب

اُن تمام دلوں سے جنہوں نے وہ بات سنی ہے

اُس بات کو محواور نابود کردے

اے بزرگ ! اگر تجھے حجّت اور دلیل چاہئے

قرآن میں سے آیت او ننسِہا پڑھ لے

اَنسْوَ کم ذِکْرِی آیت پڑھ لے

اور اُن میں بھلا نیکی قوّت پیدا کئے جانے کو سمجھ لے

چونکہ وہ یاد دلانے اور بھلانے پر قادر ہیں

تمام مخلوق کے دلوں پر حاکم ہیں

جب اُس نے بھلا دینے کے ذریعہ غورو فکر کی راہ بند کردی

کام نہیں کر سکتا ہے خواہ ہُنر موجود ہو

مرتبہ والوں کو تم نے مذاق بنایا

اَنْسَوْ کُمْ تک قرآن میں پڑھو

شہر کا حاکم جسموں کا بادشاہ ہے

تمہارے دلوں کا بادشاہ، اہل دل ہے

بلا شک عمل دیکھنے کی شاخ ہے

تو انسان پُتلی کے سوا کچھ نہ ہوگا

میں اُُنکو پورا نہیں بتا سکتا کیونکہ

مرکز والوں کی طرف سے اسکی ممانعت ہوتی ہے

چونکہ لوگوں کی بھول اور اُن کی یاد

اُس سے متعلّق ہے، اور وہ اُنکی فریاد کو پہنچتا ہے

وہ باکمال لاکھوں اچھّے اور بُرے (خیالات رات کو)

اُنکے دلوں سے ہردم نکالتا ہے

دن میں دلوں کو اُن (خیالات) سے پُر کرتا ہے

اُن سیپوں کو موتیوں سے پُر کرتا ہے

تمام گذشتہ خیالات کو

(اولیاء کی) روحیں پہچان لیتی ہیں اللہ کی رہنمائی کی وجہ سے

تیرا پیشہ اور عقل تیرے پاس آ جاتے ہیں

تاکہ تجھ پر اسباب کا دروازہ کھول دیں

سُنار کا پیشہ، لوہار کے لئے نہیں ہوتا ہے

اُس نوش اَخلاق کی عادت اُس مُنکر کی طرف نہیں جاتی ہے

پیشے اور اخلاق سامانِ سفر کی طرح

قیامت کے دن مالک کی طرف آئیں گے

پیشے اور اخلاق، سونے کے بعد

اپنے مالک کی طرف فوراً لوٹ آتے ہیں

پیشے اور خیالات صبح کے وقت

اُسی جگہ پہنچ جاتے ہیں جہاں وہ حُسن اور قبح (کا سبب) تھے

نامہ بری کے کبوتروں کی طرح، شہروں سے

اپنے شہر کی جانب (نامہ وپیام کے) حصّے لاتے ہیں