باز ترجیح نہادن شیر جہد را بر توکل

شیر کا توکل پر کوشش کو دوسری بار ترجیح دینا

شیر نے کہا، ہاں لیکن بندوں کے پروردگار نے

ہمارے پیروں کے پاس سیڑھی رکھدی ہے

کوٹھے پر رفتہ، رفتہ چڑھنا چاہئے

اس مقام پر جبری ہونا خام خیالی ہے

تو پیر رکھتا ہے ، کیوں اپنے کو لنگڑا بناتا ہے ؟

تو ہاتھ رکھتا ہے ، پنجہ کو کیوں چھپاتا ہے ؟

آقا نے، جب غلام کو بیلچہ تھما دیا

بغیر کچھ کہے اس کا مقصد معلوم ہوگیا

بیلچہ کی طرح، ہاتھ، اس کے اشارے ہیں

جس کا مطلب انجام بینی ہے

جب تو اس کے اشاروں کو دل پر جمالے گا

اور ان اشاروں کو پورا کرنے میں جان دیدے گا

تب اس کے اشارے تجھے راز عطا کریں گے

تیرا بوجھ ہلکا کر دیں گے ، تجھے کام دیں گے

تو بار بردار ہے تو تجھے سوار کردے گا

تو (حکم کو) ماننے والا ہے تو تجھے مقبول بنا دے گا

تو اس کے حکم کو قبول کرنے والا ہے (دربار کے ) قابل ہوجائیگا

تو وصل کا طالب ہے، اس کے بعد وصال والا بن جائیگا

کوشش، قدرت کی نعمت کا شکر ادا کرنا ہے

اور تیرا جبری ہونا اس نعمت کا انکار ہے

نعمت پر شکر ادا کرنا تیری نعمت کو بڑھا ئیگا

اور نعمت کا کفر (اسکو) تیرے قبضہ سے نکالدیگا

اپنے آپ کو مجبور سمجھنا ، سوجانا ہے ، راستہ میں نہ سو

جب تک اس دراور درگاہ کو نہ دیکھ لے ، نہ سو

اے بے بھروسہ جبری! ہرگز نہ سونا

اس میوہ دار درخت کے نیچے کے سوا

تاکہ ہوا ہر لحظہ شاخ کو ہلائے

(اور) ہمیشہ تیرے لئے نقل و توشہ مہیا کرتی رہے

خود کو مجبور سمجھنا، ڈاکوؤں کے درمیان سوجانا ہے

بے وقت اذان دینے والا مرغ کب بچتا ہے ؟

اگر اس کے اشاروں پر تو ناک چڑھائے گا

تو اپنے آپ کو مرد سمجھتا ہے، اور جب غور کریگا تو عورت ہے

تو جس قدر عقل رکھتا ہے، وہ گم ہو جائیگی

جس سر سے عقل اڑجائے وہ دم بنجاتا ہے

چونکہ ناشکری، منحوس اور نامبارک ہوتی ہے

ناشکرے کو جہنم کے گڑھےمیں لے جاتی ہے

اگر تو توکل کرتا ہے ، کاروبار میں کر

کما، اور پھر اللہ پر بھروسہ کر