بیان آنکہ ایں اختلافات در صورت روش است نے در حقیقت راه

اس بیان میں کہ رفتار کی صورت میں اختلاف ہے نہ کہ راستہ کی

حقیقت میں

اس کو حضرتِ عیسیٰ کی یکرنگی کی خوشبو نہ پہنچی تھی

اور نہ حضرت عیسیٰ کے خم کے مزاج کی عادت رکھتا تھا

اس صفائی کے خم سے صد رنگے کپڑے

نور کی طرح سادہ اور یکرنگ ہوجاتے تھے

ایسی یک رنگی نہیں جس سے طبیعت اکتا جائے

بلکہ اس کی مثال، مچھلی اور صاف پانی کی ہے

اگرچہ خشکی میں ہزاروں رنگ ہیں

لیکن مچھلیوں کو خشکی سے بڑی مخالفت ہے

کون ہے مچھلی، کیا ہے دریا، مثال دینے میں

کہ اس سے خدائے عز و جل مشابہ ہو

موجودات میں سے لاکھوں دریا اور مچھلیاں

اس بحر سخاوت کے سامنے سر بسجود ہیں

بخشش کی بہت سی بارشیں برسیں

یہاں تک کہ ان سے وہ سمندر موتی برسانے والا بنا

کرم کے بہت سے سورج طلوع ہوئے

تب بادل اور سمندر نے سخاوت لکھی

مٹی اورپانی پر اس کی ذات کی روشنی پڑی

تب زمین، دانے کو قبول کرنے والی بنی

زمین امانتدار (اپنی) اور جو کچھ تو نے اس میں بویا

بغیر کسی خیانت کے اس کی جنس کو اٹھایا

(زمین نے) یہ امانتداری اس کی مہربانی سے پاتی ہے

کیونکہ اس پر انصاف کا سورج چمکا ہے

جب تک موسمِ بہار اللہ کا حکم بن کر نہیں آتا

مٹی سبزے کو ظاہر نہیں کرتی

وہ سخی جس نے جمادات کر دئے

یہ پیغامات اور یہ امانت اور یہ راہ روی

اس کا کرم ہر جماد کو باخبر بنا دیتا ہے

اور اس کا قہر عقلمندوں کو اندھا کر دیتا ہے

جان اور دل میں اس جوش کی طاقت نہیں ہے

کس سے کہوں ؟ دنیا میں کوئی کان نہیں ہے

جہاں کہیں کان تھا اس جوش کی وجہ سے آنکھ بن گیا

اور جہاں کہیں پتھر تھا وہ یشب بن گیا

وہ کیمیا ساز ہے ، کیمیا کیا ہوتی ہے؟

معجزہ عنایت کرنے والا ہے ، سیمیاء کیا ہوتی ہے؟

میرا یہ تعریف کرنا ، تعریف نہ کرنا ہے

اس لئے کہ یہ (اپنے ) وجود کی دلیل ہے اور وجود کا (احساس) غلطی ہے

اس کے وجود کے سامنے نیست ہوجانا چاہئے

ہستی کیا ہوتی ہے ؟ اس کے سامنے اندھی اور سیاہ پوش ہے

اگر اندھی نہ ہوتی اس سے پگھل جاتی

آفتاب کی گرمی کو پہچانتی

اگر وہ (ہستی) تعزیت کی وجہ سے سیاہ پوش نہ ہوتی

تو اس جانب (دنیا) برف کی طرح کیوں ٹھٹھرتی