بیان خسارت وزیر در ایں مکر

اس مکر و فریب میں وزیر کے خسارہ اٹھانے کا بیان

وزیر، بادشاہ کی طرح نادان اور غافل تھا

جو واجب الوجود اور قدیم سے پنجہ لڑاتا تھا

ایسے قادر خدا سے کہ جو عدم سے

اس عالم جیسے سوعالم ایک دم میں پیدا کردیتا ہے

اس عالم جیسے سو عالم ایک نظر میں پیدا کردے

جب تیری آنکھوں کو اپنے معاملہ میں بینا کردے

اگرچہ عالم تیرے نزدیک بڑا اور وسیع ہے

سمجھ لے ، قدرت کے آگے ایک ذرہ بھی نہیں ہے

یہ عالم تمہاری جانوں کا قید خانہ ہے

خبر دار ! اس جانب دوڑو جو خدا کا میدان ہے

یہ عالم محدود اور وہ غیر محدود ہے

نقش اور صورت اس معنی کے سامنے آڑ ہیں

فرعون کے لاکھوں نیزے

موسیٰ نے ایک لاٹھی سے توڑ دیے

جالینوس کی لاکھوں طبیں تھیں

(حضرت) عیسٰ اور ان کی پھونک کے سامنے بیکار تھیں

اشعار کے لاکھوں دیوان تھے

جو اس کے امی (محمد) کے کلام کے سامنے موجب ننگ تھے

ایسے غالب خدا کے آگے کوئی

کیسے نہ مرے ، اگر وہ کمینہ نہیں ہے !

پہاڑ جیسے بہت سے دلوں کو اس نے اکھاڑ دیا

چالاک، پرندے کو دو پیروں ہوتے ہوئے ہوا میں لگا دیا

عقل اور طبیعت کو تیز کرلینا راہ نہیں ہے

شاہ کا فضل، عاجز کے سوا کسی کی دستگیری نہیں

اے (مخاطب) بہت سے گنج گاؤ جیسے خزانے جمع کرنے والے

عقلمندوں کے لئے سامان تمسخر بن گئے

بیل کیا چیز ہے ؟ کہ تو اس کی ڈاڑھی بنے

خاک کیا ہے ؟ کہ تو اس کی گھاس بنے

جب عورت بدکاری کی وجہ سے زرد رو ہوئی

اس کو خدا نے مسخ کر دیا اور زہرہ بنا دیا

عورت کو زہرہ بنا دینا تو مسخ تھا

کیا پانی اورمٹی ہوجانا مسخ نہیں ہے ،اے سرکش!

روح تو تجھے عرش بریں کی طرف لے جاتی (لیکن)

تو پانی اور مٹی کی طرف نچلے درجوں میں آگیا

تونے اپنے آپ کو اس پستی کی وجہ سے مسخ کر لیا

حالانکہ وہ جو عقولِ عشرہ کے لیے باعث رشک تھا

اس سے بدتر مسخ کرنا کیا ہوگا ؟

بلکہ اس مسخ کے بالمقابل یہ مسخ گرا ہوا ہے

تو نے ہمت کا گھوڑا ستاروں کی طرف تو دوڑایا

لیکن مسجدو، آدمؑ کو تو نہ پہچانا

اے نا خلف! آخر تو آدمؑ کی اولاد ہے

ذلت کو شرافت کب تک سمجھے گا؟

کب تک کہیگا؟ میں تمام دنیا کو فتح کروں گا

اور اس دنیا کو اپنے سے بھر دوں گا

اگر پوری دنیا بالکل برف سے بھر جائے

سورج کی گرمی ایک نظر میں اس کو پگھلا دے

اس (وزیر) کے بوجھ اور اس جیسے لاکھوں کے بوجھ کو

خدا ایک چنگاری سے نیست و نابود کردے

بعینہٖ ان خیالات کو دانائی بنا دے

اور اس زہریلے پانی کو شربت بنا دے

وہ گمان پیدا کرنے والی بات کو یقین بنا دیتا ہے

اور کینہ کے اسباب سے، محبتیں اگا دیتا ہے

حضرت ابراہیمؑ کو آگ میں پال دیتا ہے

اور خوف کو روح کے اطمینان کا ذریعہ بنا دیتا ہے

اس کی علت آفرینی سے میں دیوانہ ہوں

اور اس کی سبب سوزی سے میں سو فسطائی ہوں