بردن بادشاه آں طبیب را بر سر بیمار تا حال او را بہ بیند

بادشاہ کا غیبی طبیب کو بیمار کے پاس لے جانا

جب وہ مجلس اور خوانِ کرم ختم ہوا

اس نے اس کا ہاتھ پکڑا اور حرم سرا میں لے کر گیا

بیمار، اور مرض کا حال سنایا

اس کے بعد اس کو بیمار کے سامنے بٹھایا

اس نے چہرہ کا رنگ اور نبض اور قارورہ دیکھا

اس کی علامتیں اور اسباب بھی سنیں

اس نے کہا، جو دوا انہوں نے کی ہے

وہ تعمیر نہیں ہے، انہوں نے ویران کیا ہے

وہ اندرونی حالات سے لاعلم تھے

جو انہوں نے غلط بیانی کی ہے ، اس سے خدا کی پناہ چاہتا ہوں

اس نے مرض دیکھا اور راز اس پر کھل گیا

لیکن اس نے چھپایا اور بادشاہ سے نہ کہا

اس کا مرض صفرا اور سودا کی وجہ سے نہ تھا

لکڑی کی بو ، دھویں سے ظاہر ہوجاتی ہے

اس کی بیماری سے وہ سمجھ گیا کہ وہ دل کی بیمار ہے

بدن ٹھیک ہے اور وہ دل (کی بیماری) میں گرفتار ہے

دل کی بیماری سے عاشقی ظاہر ہے

دل کی بیماری جیسی کوئی بیماری نہیں ہے

عاشق کی بیماری، بیماریوں سے جدا ہے

عشق، خدا کے بھیدوں کا اصطر لاب ہے

عاشقی خواہ ادھر کی خواہ ادھر کی ہے

بالآخر، اس شاہ تک ہماری راہ نما ہے

میں عشق کی تشریح اور بیان جو کچھ کرتا ہوں

جب عشق میں پڑتا ہوں اس سے شرمندہ ہوتا ہوں

اگرچہ زباں کی تشریح روشنی ڈالنے والی ہے

لیکن بے زبان عشق، زیادہ روشن ہے

جب قلم لکھنے میں مصروف تھا

جب عشق پر پہونچا خود قلم میں شگاف آ گیا

عقل، اس کی شرح میں مٹی میں پھنسے گدھے کی طرح ہوگئی

عشق اورعاشقی کی شرح بھی عشق نے ہی کی ہے

آفتاب کی دلیل، خود آفتاب بنا

اگر تجھے دلیل درکار ہے تو اس سے منہ نہ موڑے

سایہ، اگر اس کا پتہ دیتا ہے

سورج، ہر وقت جان کو نور دیتا ہے

سایہ، قصہ گوئی کی طرح تجھے سلاتا ہے

سورج جب نکلتا ہے چاند شق ہوجاتا ہے

دنیا میں سورج جیسا کوئی مسافر نہیں ہے

روح کا سورج باقی ہے جس کے لئے کل گذشتہ نہیں ہے

سورج ، اگرچہ خارج میں ایک ہی ہے

اس جیسا بھی تصور کیا جا سکتا ہے

لیکن وہ سورج سے بالا و مست ہے

اس کی ذہن اورخارج میں کوئی مثال نہیں ہے

تصور میں اس کی ذات کی گنجائش کہاں ہے

کہ تصور میں اس کی مثال آسکے

جب شمس الدین کے چہرے کی بات آگئی

چوتھے آسمان کے سورج نے منہ چھپا لیا

(اب) جب کہ میں نے ان کا نام لیا ہے تو ضروری ہوگیا

ان کے انعام کی تھوڑی سی شرح کرنا

برسوں کی صحبت کا حق اد اکرنے کے لیے

اس خوش احوال کا کچھ حال بیان کر

تا کہ زمین اور آسمان ہنس پڑیں

عقل، روح اور آنکھیں سو گنا ہوجائیں

مجھے مجبور نہ کر میں فنا میں ہوں

میری سمجھ کند ہے ، میں پوری تعریف نہیں کر سکتا

مدہوش جو بات بھی کہے

خواہ تکلف کرے یا دراز بیانی مناسب نہیں ہے

میں کیا کہوں؟ میری ایک رگ بھی ہوش میں نہیں ہے

اس یار کی تفصیل جس کا کوئی شرک نہیں ہے

اس فراق اورخونِ جگر کی تفصیل

اب دوسرے وقت کے لیے چھوڑ

اس نے کہا، مجھے کھلا میں بھوکی ہوں

جلدی کر کہ وقت تیز تلوار ہے

اے دوست! صوفی ابن الوقت ہوتا ہے

کل کا حوالہ دینا طریق (سلوک) کے مناسب نہیں ہے

میں نے اس سے کہا کہ یار کا راز چھپا ہوا اچھا ہوتا ہے

البتہ تو اس کو قصہ کے ضمن میں سن لے

بہتر یہی ہوتا ہے کہ معشوقوں کا راز

دوسروں کے قصہ میں بیان ہوجائے

کھلم کھلا، بے پروا اور بے خیانت کے بات کہدے

دین کا ذکر کھلم کھلم کرنا پوشیدہ طور کر نے سے بہتر ہے

مراد مانگ، لیکن اندازہ کے مطابق مانگ

گھاس کا ایک تنکا پہاڑ کو برداشت نہیں کر سکتا

وہ سورج جس سے یہ سارا عالم روشن ہے

اگر تھوڑا آگے آجائے تو سب کو جلا دے

فتنہ و فساد اور تباہی کی کوشش نہ کر

اور اس سے زیادہ شمس تبریز کے بارے میں جستجو نہ کر