حکایت عاشق شدن بادشاہے بر کنیزکے و خریدن بادشاہ کنیزک را

حکایت بادشاہ کا لونڈی پر عاشق ہونا اور بادشاہ کا لونڈی کو خریدنا

اب سے پہلے زمانے میں ، ایک بادشاہ تھا

(جس کی حکومت) ملک دنیا پر بھی تھی اور ملک دین پر بھی

اتفاقا! ایک دن بادشاہ سوار ہوا

اپنے خواص کے ساتھ شکار کے لئے

اس نے راستہ پر ایک لونڈی دیکھی

بادشاہ کی جان اس لونڈی کی غلام بن گئی

اس کی جان کا پرندہ جب پنجڑے میں تڑپا

مال دیا اور اس لونڈی کو خرید لیا

جب اس نے اس کو خرید لیا اور کامیاب ہوگیا

وہ لونڈی تقدیر سے بیمار ہوگئی

ایک شخص کے پاس گدہا تھا اس کا پالان نہ تھا

اس نے پالان پا لیا تو ، گدھے کو بھیڑیا لے گیا

اس کے پاس پیالہ تھا ، پانی ہاتھ نہ آیا

جب پانی پایا خود پیالہ ٹوٹ گیا

دائیں بائیں سے طبیبوں نے بادشاہ کو جمع کیا

کہا، دونوں کی جان تمہارے ہاتھ میں ہے

میری جان معمولی ہے ، میری جان کی جان وہ ہے

میں دکھی اور زخمی ہوں میرا علاج وہ ہے

جس نے میری جان کا علاج کر دیا

وہ میرے موتی اور مونگے کا خزانہ لے گیا

سب نے کہا ، ہم جان لڑادیں گے

خوب غور کریں گے اورمل کر کریں گے

ہم میں سے ہر ایک دنیا کا مسیحا ہے

ہمارے پاس ہر درد کا مرہم ہے

تکبر کی وجہ سے، انہوں نے انشاء اللہ نہ کہا

تو خدا نے انسان کی مجبوری ان پر واضح کر دی

انشاء اللہ نہ کہنے سے میری مراد ، سیہ دلی ہے

یہ بھی نہیں کہنا چاہئے، کیونکہ یہ ایک عارضی حالت ہے

بہت سے لوگوں نے انشاء اللہ کہے بغیر بات کہی ہے

(لیکن) ان کی جان، انشاء اللہ کی روح کے ساتھ ہے

جس قدر بھی انھوں نے علاج اور دوا کی

مرض بڑھا، اور مقصد لا حاصل رہا

وہ لونڈی مرض کی وجہ سے بال جیسی ہوگئی

بادشاہ کی آنکھ خون کے آنسو سے نہر کی طرح ہوگئی

تقدیر سے سکنجبیں نے صفرا بڑھایا

روغن بادام خشکی بڑھاتا تھا

ہیڑ سے قبض ہوگیا، دست ختم ہوئے

پانی، مٹی کے تیل کی طرح آگ کی مدد بن گیا