حکایت بادشاه جہود دیگر کہ در ہلاک دین عیسٰی سعی نمود

ایک دوسرے یہودی بادشاہ کی حکایت جو حضرت عیسیٰ کے دین

اس ناقابل علاج خونریزی کے بعد

جو اس وزیر کی مصیبت کی وجہ سے واقع ہوئی تھی

اس یہودی کی نسل سے ایک دوسرا بادشاہ

حضرت عیسیٰ کی قوم کی ہلاکت کی طرف متوجہ ہوا

اگر تو اس دوسری بغاوت کی خبر چاہتا ہے ؟

تو سورۂ والسماء ذات البروج کو پڑھ لے

برا طریقہ جو پہلے بادشاہ سے پیدا ہوا

اس دوسرے بادشاہ نے اس پرقدم رکھا

جس کسی نے برا طریقہ ایجاد کیا

اس کی جانب ہر وقت لعنت جاتی ہے

نیک لوگ گذر گئے اور ان کے طریقے رہ گئے

اور کمینوں سے ظلم اور لعنتیں (باقی) رہ گئیں

قیامت تک ان بروں کی جنس سے جو

وجود میں آتا ہے اس کا رخ ان کی طرف ہوتا ہے

یہ میٹھا پانی اور کھاری پانی رگ رگ میں ہے

جو لوگوں میں صور پھونکے جانے تک جاری رہے گا

نیکوں کا ورثہ میٹھا پانی ہے

جو اورثنا الکتاب کی میراث ہے

اگر تو غور کرے تو طالبوں کی نیاز مندی

پیغمبری جوہر کے شعلے ہیں

شعلے، جواہر کے ساتھ گردش کرتے ہیں

انوار اس جانب جاتے ہین جہاں وہ ہوتے ہیں

روشندان کی روشنی گھر کے چاروں طرف دوڑتی ہے

اس لئے کہ سورج ایک برج سے دوسرے برج میں جاتا ہے

جس کو کسی ستارے سے وابستگی ہے

اس کی اپنے ستارے کے ساتھ دوڑ رہا ہے

اگر اس کا نچھتر زہرہ ہوگا تو عیش و طرب

اور عشق و طلب میں پورا میلان رکھے گا

اور اگر وہ مریخ جیسی خونریز عادت والا ہے

تو وہ لڑائی، بہتان اور جھگڑے کی جستجو کرے گا

ستاروں کے پیچھے اور ستارے ہیں

ان میں جلانے کا میلان اور نحوست نہیں ہے

جو دوسرے آسمانوں میں گردش کر رہے ہیں

ان مشہورسات، آسمانوں کے علاوہ

(وہ ستارے) خدا کے انوار کی گرمی میں ثابت قدم ہیں

نہ باہمی جڑے ہوئے ہیں نہ ایک دوسرے سے جدا ہیں

جس شخص کا نچھتر ان ستاروں سے ہوگا

اس کا نفس کفار کو رجوم کے وقت جلا دیگا

اس کا غصہ مریخی غصہ نہیں ہوگا

وہ سر جھکا کر چلنے والا، غالب اور مغلوب عادت والا ہے

وہ غالب آنیوالا نور ہے ، گہن اور اندھیرے سے محفوظ

اللہ کے نور کی دو انگلیوں کے درمیان

اللہ تعالیٰ نے اس نور کو روحوں پر نچھاور فرمایا

جس سے نصیبہ ور اپنے دامن بھرے ہوئے ہیں

جس نے اس نور کا نچھاور پالیا

اس نے منہ خدا کے غیر سے موڑ لیا

جس کے پاس عشق کا دامن نہ تھا

وہ اس نور کے نچھاور سے بے حصہ رہا

اجزاء کے رخ کل کی طرف ہیں

بلبلوں کو پھول کے چہرہ سے عشق ہے

بیل کا رنگ باہر سے اور انسان کا

اندر سے ڈھونڈ، سرخ اور زرد رنگ

نیک لوگوں کے رنگ صفا کے مٹکے سے ہیں

اور بروں کے رنگ ، میل کچیل کے سیاہ پانی سے ہیں

صبغۃ اللہ اس پاک رنگ کا نام ہے

لعنۃ اللہ اس گندے رنگ کی بدبو ہے

جو پانی دریا سے آتا ہے ، دریا میں جاتا ہے

جس جگہ سے آتا ہے اسی جگہ جاتا ہے

پہاڑ کی چوٹی سے، تیز رو سیلاب

اور ہمارے جسم سے عشق میں ڈوبی جان (دواں ہوتی ہے)