جواب گفتن شیر خرگوش را و رواں شدن با او

شیر کا خرگوش، کو جواب دینا اور اس کے ساتھ روانہ ہونا

اِس نے کہا بسم اللہ، آ ، میں دیکھوں وہ کہاں ہے؟

اگر تو سچ کہتا ہے تو آگے آگے چل

تاکہ اس کو (بلکہ) اس جیسے سو کو سزادوں

اور اگر یہ جھوٹ ہے، تجھے سزا دوں

وہ رہبر کی طرح آگے آیا

تاکہ اُس کو اپنے جال کی جانب لے جائے

ایک کنوئیں کی جانب جس کا اُس نے پہلے پتہ لگایا تھا

گہرے کنویں کو اُس کی جان کا جال بنا رکھا تھا

دونوں کنوئیں کے نزدیک تک جا پہونچے

واہ واہ خرگوش ، گویا گھاس کے نیچے کا پانی ہے

پانی ایک تنکے کو جنگل سے بہا لیجاتا ہے

تعجّب ہے، پانی ایک پہاڑ کو کس طرح بہائے لیے جا رہا ہے

اُس کے مکر کا جال شیر کا پھندا تھا

عجب خرگوش تھا کہ شیر کو اُچک لے گیا

ایک موسیٰؑ فرعون کو دریائے نیل تک

لشکر اور بھاری مجمع کے ساتھ لیجا رہے ہیں

مچھّر، آدھے پَر کے ساتھ نمرود کو

شگاف دیتا ہے اور سَر کے بھیجے تک جاتا ہے

(یہ ہے) اُس کی حالت جس نے دشمن کی بات سُنی

دیکھ ، اُس کی سزا جو دشمن کا دوست بنا

یہی حال اُس فرعون کا ہے جس نے ہامان کی شنوائی کی

اور یہی حال اُس نمرود کا ہے جس نے شیطان کی تعریف کی

دشمن اگر چہ تجھ سے دوستانہ بات کرے

جال سمجھ اگر چہ وہ تجھ سے دانہ کہے

اگر تجھے شکر دے، اُس کو زہر سمجھ

اگر تجھ پر مہربانی کرے، اُس کو قہر سمجھ

جب قضا آئی ہے چھلکے کے علاوہ تو کچھ نہ دیکھے گا

دشمنوں اور دوستوں میں امتیاز نہ کر سکے گا

جب ایسا ہو گڑ گڑانا شروع کر دے

زاری اور تسبیح اور روزے کا سامان کر

رُوکہ اے (خدا) تو جو غیب کا جاننے والا ہے

ہمیں بُرے کرکے پتھّر کے نیچے نہ کچل

اے شیر کو پیدا کرنیوالے! اگرچہ ہم نے کتّا پن کیا ہے

اِس گھات کی جگہ سے شیر کو ہم پر مسلّط نہ کر

اچھے پانی کو ، آگ کی صورت میں نمایاں نہ کر

آگ میں پانی کی صورت نہ رکھ

قہر کی شراب سے جب تو مست کر دیتا ہے

معدوم چیزوں کو موجود کی صورت دیدیتا ہے

مستی کیا ہے؟ آنکھ کا آنکھ کے دیکھنے سے بند ہونا

یہانتک کہ پتھّر، موتی اور اُون، یشب نظر آئے

مستی کیا ہے؟ حسون کا بدل جانا

جھاؤ کی لکڑی کا نگاہ میں صندل ہو جانا