کژ ماندن دہاں آں مرد کہ نام محمد را علیہ السلام بتسخر خواند

اس شخص کا منہ ٹیڑھا رہ جانا جس نےآنحضور کا نام تمسخر کے ساتھ لیا تھا

جس نے منہ ٹیڑھا کیا اور تمسخر سے لیا

احمد (صلی اللہ علیہ وسلم) کا نام، اس کا منہ ٹیڑھا رہ گیا

واپس آیا کہ اے محمدؐ معاف کردیجئے

اے (حضرت) آپ کو مہربانیاں اور علم الدنی حاصل ہے

میں نے جہالت کی وجہ سے آپ کا مذاق اڑایا

(حالانکہ) تمسخر کے قابل اور مستحق تو میں تھا

جب خدا چاہتا ہے کہ کسی کی پردہ داری کرے

اس کا میلان پاک لوگوں پر طعنہ زنی میں کر دیتا ہے

اور اگر خدا چاہتا ہے کہ کسی کی عیب پوشی کرے

تو عیب داروں کے عیب بھی نہیں بیان کرتا

جب خدا ہماری مدد کرنا چاہتا ہے

تو ہمیں انکساری کی طرف مائل کردیتا ہے

بڑی مبارک ہے وہ آنکھ جو اس کے لئے روتی ہے

(اور) وہ دل بہت مبارک ہے جو اس کے لیے جل بھن رہا ہے

ہر رونے کے بعد بالآخر ہنسی ہے

انجام پر نظر رکھنے والا مبارک انسان ہے

جہاں کہیں آب رواں ہو، سبزہ ہوتا ہے

جہاں کہیں اشک رواں ہو رحمت ہوتی ہے

تو رحم چاہتا ہے تو آنسو بہانے والے پر رحم کر

تو رحم چاہتا ہے تو کمزوروں پر رحم کر