خلوت طلبیدن آں ولی از پادشاہ جہت دریافتن رنج کنیزک‌‌

لونڈی کا مرض معلوم کرنے کے لیے طبیب کا بادشاہ سے لونڈی کے ساتھ تنہائی چاہنا

بولا، اے بادِ شاہ! گھر کو خالی کر دے

اپنے اور غیر کو ہٹا دے

دہلیزوں میں کوئی کان نہ لگائے

تاکہ میں کنیز سے کچھ باتیں پوچھوں

گھر خالی کر دیا، اور کوئی گھر والا نہ رہا

سوائے طبیب، اور سوائے بیمار کے کوئی نہ رہا

آہستگی و نرمی سے (طبیب نے) کہا تیرا شہر کہاں ہے؟

کیونکہ ہر شہر والے کا علاج جداگانہ ہے

اور اس شہر میں تیرا رشتہ دار کون ہے ؟

اپنائیت اور تعلق کس سے ہے ؟

ہاتھ اس کی نبض پر رکھا اورایک ایک

آسمان کے ظلم کا حال پوچھ رہا تھا

جب کسی کے پیر میں کانٹا چبھتا ہے

اپنا پیر ران پر رکھ لیتا ہے

اس کا سرا سوئی کی نوک سے تلاش کرتا ہے

اور اگر نہیں ملتا تو اسے لب سے تر کرتا ہے

پیر کا کانٹا پانا جب اس قدر دشوار ہے

دل کے کانٹے کا کیا حال ہوگا؟ جواب دے

دل کا کانٹا اگر ہر شخص دیکھ سکتا

تو غموں کو کسی پر کب قابو ہوتا ؟

کوئی گدھے کی دم کے نیچے کانٹا رکھ دیتا ہے

گدہے کو اس کے دورکرنے کا طریقہ نہیں معلوم، وہ کودتا ہے؟

وہ گدھا کودتا ہے اور اس کانٹے کو اورمضبوط کر دیتا ہے

کوئی عقلمند چاہئے جو کانٹے کو نکالے

سوزش اور درد کی وجہ سے گدھے نے کانٹے کو دور کرنے کے لیے

دو لتیاں پھینکیں اور سو جگہ زخم کر لیے

وہ کانٹا نکالنے والا طبیب، استاد تھا

جا بجا ہاتھ مارتا تھا اور آزماتا تھا

اس لونڈی سے سچوں کی طرح

گذشتہ حالات کے بارے میں پوچھتا تھا

طبیب سے وہ راز کی باتیں کھل کر کہتی تھی

مقام ، اور آقاؤں اور بستی والوں کے متعلق

وہ اس کی قصہ گوئی پر کان لگائے تھا

نبض اور اس کی حرکات پر پوری طرح متوجہ تھا

تاکہ (یہ جان لے کہ) کس نام پر اس کی نبض پھڑکتی ہے

دنیا میں اس کا جانی محبوب وہی ہوگا

(پہلے) اس نے اپنے شہر کے دوستوں کو گنا

اس کے بعد دوسرے شہر کا نام لیا

(طبیب نے) کہا جب تو اپنے شہر سے نکلی

زیادہ کس شہر میں رہی تھی

اس نے ایک شہر کا نام لیا اور آگے بڑھی

چہرہ کا رنگ اور اس کی نبض نہ بدلی

آقاؤں اور شہر کا ایک ایک کر کے

نام بتایا پھر مقام اور کھانے پینے کا ذکر کیا

ایک ایک شہر اور ایک ایک گاؤں کا ذکر کیا

نہ اس کی نبض پھڑکی، نہ چہرہ زرد پڑا

اس کی نبض بلا تکلف اپنی حالت پر تھی

یہاں تک کہ (طبیب نے) شکر جیسے سمرقند کا حال پوچھا

نبض پھڑکی اور اس کا لال چہرہ زرد ہوگیا

اس لئے کہ سمر قندی سنار سے جدا ہوگئی

اس طبیب نے جب بیمار سے یہ راز لیا

اس درد اور مصتبی کی جڑ معلوم کر لی

اس (طبیب نے) کہا اس کا کوچہ اور راستہ کونسا ہے ؟

اس (لونڈی) نے کہا (راستہ) سر پل اور کوچہ غاتفر ہے

چونکہ میں سمجھ گیا ہوں تیرا مرض کیا ہے جلد

تیرے علاج میں جادو دکھاؤں گا

خوش اور مطمئن اور فارغ البال رہ کہ میں

تیرے ساتھ وہ کچھ کرونگا جو بارش چمن سے کرتی ہے

میں تیرا غمخوار ہوں تو غم نہ کر

سو باپوں سے بڑھ کر میں تجھ پر مہربان ہوں

خبردار، خبردار، یہ راز کسی سے نہ کہنا

اگرچہ بادشاہ بھی تجھ سے دریافت کرے

جب تیرا راز دل، میں چھپا ہوگا

تیری وہ مراد بہت جلد تجھ کو حاصل ہوجائیگی

پیغمبر (صلی اللہ علیہ وسلم) نے فرمایا ہے

جس شخص نے اپنا راز چھپایا یابہت جلد اپنی مراد سے وابستہ ہوا

دانہ جب زمین میں چھپتا ہے

اس کے بعد باغ کی سرسبزی (کا سبب) بنتا ہے

سونا اور چاندی اگر چھپے نہ ہوتے

تو کان میں پرورش کیسے پاتے

اس طبیب کے وعدوں اور مہربانیوں نے

اس بیمار کو خوف سے مطمئن کر دیا

سچے وعدے دل پسند ہوتے ہیں

(اور) جھوٹے وعدے پریشان کرتے ہیں

اہل کرم کا وعدہ جاری خزانہ ہے

اور نا اہل کا وعدہ عذاب جان ہے