مژده بردن خرگوش سوۓ نخچیراں کہ شیر در چاہ افتاد

خرگوش کا شکاروں کے پاس خوشخبری لے جانا کہ شیر کنویں میں گرگیا ہے

خرگوش جب رہائی سے خوش ہوا

جنگل میں شکاروں کی طرف روانہ ہوا

اُس نے جب شیر کو اپنے ظلم میں مبتلا دیکھا

وہ تیز اپنی قوم کی طرف بھاگا

جب موت کے پنجے سے چھوٹا، تالیاں بجاتا تھا

جس طرح شاخ اور پتّے ہوا میں سبز اور رقصاں ہوتے ہیں

شاخ اور پتّے مِٹّی کی قید سے آزاد ہوئے

تو سر اُبھارا اور ہوا کے دوست ہوگئے

پتّوں نے جب شاخ کو چیرا

یہاں تک کہ درخت کے اوپر تک چڑھ گئے

’’شطاءۃ‘‘ کی زبان سے خدا کا شکر

ہر برگ و بار الگ الگ ادا کر رہا ہے

عطا کرنے والے نے ہماری جڑ کی پرورش کی

یہاں تک کہ درخت موٹا ہوگیا، پھر سیدھا ہوگیا

پانی اور مٹّی میں مقیّد، جانیں

جب پانی اور مٹی سے خوشی کے ساتھ رہا کیجاتی ہیں

اللہ کے عشق کی ہوا میں ناچتی ہیں

چودھویں رات کے چاند کی طرح بے نقصان ہو جاتی ہیں

انکے جسم رقص کرتے ہیں جانوں کے متعلّق تو نہ پوچھ

اور جو (مجسّم) جان بن جاتے ہیں ان کے بارے میں بھی نہ پوچھ

شیر کو خرگوش نے قید خانہ میں ڈال دیا

شیر کیلئے شرمناک بات ہے کہ وہ ایک خرگوش سے عاجز ہوگیا

تو اِیسے ہی ننگ میں (ممتلا) ہے اور پھر تعجّب ہے

تو چاہتا ہے کہ تجھے فخر دیں کا لقب دیں

اے (غافل) تو زمانہ کے اِس کنویں کی گہرائی میں شیر کی

تیرا نفس خرگوش کی طرح ہے جو قہر سے تیرا خون بہاتا ہے

تیرا خرگوش (صفت) نفس جنگل کے اندر چرنے میں مشغول ہے

اور تو چوں وچرا کے اس کنویں کی گہرائی میں ہے

وہ شیر کو پھانسنے والا، شکاروں کی طرف دوڑا

کہ اے قوم خوشخبری حاصل کر لو جبکہ خوشخبری دینے والا آ گیا

مُبارک، مُبارک اے عیش منانیوالے گروہ

وہ دوزخ کا کتّا پھر دوزخ میں چلا گیا

مُبارک مُبارک کہ تقدیر سے ظالم، کنویں میں

گرگیا، خدا کے انصاف اور مہربانی سے

وہ جس نے پنجے سے بہت سے سر توڑ ڈالے

موت کی جھاڑو نے اسکو بھی کوڑے کی طرح جھاڑ دیا