پاۓ واپس کشیدن خرگوش از شیر چوں نزدیک چاه رسید

کنویں کے پاس آکر خرگوش کا شیر سے پیچھے ہٹنا

جب شیر کنویں کے پاس پہنوچا، دیکھا

کہ خرگوش پیچھے رہ گیا اور ہٹ گیا

اُس (شیر) نے کہا تو پیچھے کیوں ہٹا؟

پیچھے کو نہ ہٹ ، آگے آ

اُس نے کہا (خرگوش) کہاں ہیں، میرے ہاتھ پیر ختم ہو گئے

روح کانپ رہی ہے دِل دھڑک رہا ہے

میرے چہرے کا رنگ نہیں دیکھ رہا ہے، سونے کا سا

میرا رنگ اندرونی حالت کی خبر دے رہا ہے

جب اللہ نے پیشانی کو حال بتا نیوالا فرمایا ہے

پہچاننے والے کی نگاہ، پیشانی پر پڑتی ہے

رنگ اور بو، گھڑیال کی طرح چغلخور ہے

گھوڑے کی آواز، گھوڑے کی خبر دیدیتی ہے

ہر چیز کی آواز اس کی خبر دیدیتی ہے

گدھے کی آواز کو دروازے کی آواز سے جدا سمجھ

انسانوں کے پہچاننے کے سلسلہ میں پیغمبر( صلی اللہ علیہ وسلم) نےفرمایا

انسان زبان بند رکھنے کے وقت، پوشیدہ ہے

چہرہ کا رنگ، دل کی حالت کی علامت ہے

مجھ پر رحم کر، دل میں میری محبّت بٹھا

سُرخ چہرے کی رنگت ، شکر کی صدا رکھتی ہے

زرد چہرے کی رنگت، صبر اور تکلیف ( کی علامت) رکھتی ہے

مجھ میں وہ چیز آگئی جو حواس باختہ کر دیتی ہے

چہرے کا رنگ اور طاقت اور نشانی ختم کر دیتی ہے

مجھ میں وہ چیز آگئی جو جس چیز میں آجائے اس کو شکستہ کر دے

درخت کو جڑ اور بنیاد سے اکھاڑ دے

مجھ میں وہ چیز آگئی جس میں مات کھا گئے

انسان اور جانور، جما دات اور نباتات

یہ چھوٹی چیزیں ہیں لیکن بڑی چیزیں انکی وجہ سے

رنگت زرد کئے ہوئے ہیں اور بو بگاڑے ہوئے ہیں

یہاں تک کہ دنیا کبھی صابر ہے اور کبھی شکر گزار

باغ کبھی جوڑا پہنتا ہے، کبھی ننگا ہے

سورج جو آگ کی طرح بر آمد ہوتا ہے

دوسرے وقت وہ اوندھا ہو جاتا ہے

چار گوشہ خیمہ( آسمان) پر چمکنے والے یہ ستارے

دم بدم جلنے میں مبتلا ہیں

چاند جو حُسن میں ستاروں سے بڑھا ہوا ہے

دِق کے مرض کی وجہ سے ہلالی کی طرح ہے

یہ پُر سُکون اور با ادب زمین

زلزلہ اس کو جاڑے بخار میں مبتلا کر دیتا ہے

اے (مخاطب) بہت سے پہاڑ اِس ذیل مصیبت سے

دنیا میں وہ باریک ریتہ بن گئے ہیں

یہ ہوا جو روح سے وابستہ ہے

جب قضا آتی ہے تو وبا اور گندی بن جاتی ہے

خوشگوار پانی اگرچہ روح کا بھائی بن گیا ہے

لیکن گڑھے میں زرد اور کڑوا اور گدلا ہو گیا

آگ جو نہایت سرکش اور مغرور ہے

یکایک اس پر ہوا’’تو مرے‘‘ پڑھ دیتی ہے

دریا کا حال اس کے اضطراب وجوش سے

سمجھ لے۔ یہی اس کے ہوش کی تبدیلی ہے

سرگرداں آسماں جو جستجو میں ہے

اس کی حالت اس کے فرزندوں جیسی ہے

کبھی حضیض اور کبھی اوسط، کبھی اوج

اس میں فوج در فوج سعد اور نحس ہیں

اپنے سے، اے جزو جو کُل سے مِلا جلا ہے

ہر مفرد کی حالت کو سمجھ لے

جب کلّیات کو رنج اور درد ہے

توان کا جزو کیوں زرد چہرہ نہ ہوگا

خصوصاً وہ جزو جو اَضداد کا مجموعہ ہے

پانی اور مٹّی اور آگ اور ہوا کا مجموعہ ہے

یہ تعجّب کی بات نہوگی کہ بھیڑ، بھیڑئے سے چھوٹ بھاگی

یہ تعجّب ہے کہ بھیڑ نے بھیڑئے سے دل لگا لیا

زندگی، مخالف چیزوں کا باہمی تعلّق ہے

موت یہ ہے کہ ان کے درمیان جنگ شروع ہوگئی

اللہ کا کَرم ہے کہ شیر اور گورخر

دو مخالفوں کو وفاداری میں الفت عطا کر دی

جب دنیا بیمار اور قیدی ہو

تو کیا تعجّب ہے اگر بیمار فانی ہو

اس نے شیر کو اس قسم کی نصیحتیں سنائیں

بولا میں ان رکاوٹوں کی وجہ سے پیچھے رہا ہوں