جمع شدن نخچیراں گرد خرگوش و ثنا گفتن او را

شکاروں کا خرگوش کے پاس جمع ہونا اور اس کی مدح و ثنا کرنا

اس وقت سب وحشی جمع ہوگئے

ذوق و جوش اور مسرت کے عالم میں ہنسی خوشی

انہوں نے حلقہ کر لیا، وہ شمع کی طرح درمیان میں تھا

اور تمام صحرائی جانوروں نے اسکی تعظیم کی

تو آسمانی فرشتہ ہے یا پری ہے

یا تو نَر شیروں کا مَلکُ الْمَوْت ہے

تو جو کچھ بھی ہے ہماری جان تجھ پر قربان ہے

تیرے دست و بازو کا غلبہ درست ہے

اللہ نے یہ پانی تیری نہر میں بہایا

تیرے دست و بازو کو شاباش ہے

یہ تو کہو کہ تونے یہ تدبیر کس طرح سوچی

اُس ظالم کو چالاکی سے تونے کیسے پامال کیا

پھر کہو تاکہ یہ قصّہ (ہمارے درد کا) علاج بن جائے

پھر کہو تاکہ جانوں کا مرہم بن جائے

پھر کہو، کیونکہ اُس ظالم کے ظلم سے

ہماری جان میں ہزاروں زخم ہیں

اُس نے کہا اے بزرگو! خدا کی تائید تھی

ورنہ خرگوش دنیا میں کیا چیز ہے

اُس نے مجھے قوّت عطا فرمائی اور دل کو نور دیا

دل کے نور نے ہاتھ اور پیر کو طاقت دیدی

فضیلتیں اللہ کی جانب سے ملتی ہیں

پھر خدا کی جانب سے ہی تبدیلیاں ہو جاتی ہیں

باری، باری سے اللہ تعالےٰ یہ تائید

دکھا دیتا ہے اہلِ گمان اور اہلِ مشاہدہ کو

خبردار! باری والی سلطنت پر خوش نہ ہو

اے مخاطب تو باری سے وابستہ ہے (اظہار) آزادی نہ کر

جس کی سلطنت باری سے بالا تر قائم کرتے ہیں

اُس کا نقّارہ سات ستاروں سے اوپر بجاتے ہیں

باری سے بلند، وہ باقی رہنے والے بادشاہ ہیں

جو دائمی دور کے ساتھ روح کے ساقی ہیں

ایک دو روز اگر تو اِس شراب کو چھوڑ دے

جنّت کی شراب سے مُنہ ترکرے