در سر آنکہ من اراد ان یجلس مع الله فلیجلس مع اہل تصوف

حدیث، جو ’’اللہ کے ساتھ بیٹھنے کا قصد کرے وہ اہلِ تصوّف کے ساتھ بیٹھے‘‘ کا بیان

وہ ایلچی اِن ایک دو جام سے بیخود ہو گیا

نہ اُس کو سفارت یاد رہی نہ پیغام

وہ ایلچی اِس جگہ پہونچکر شاہ بنگیا

اللہ کی قدرت کا فریفتہ ہوگیا

سیلاب دریا میں پہنچا، دریا بن گیا

دانہ جب کھیت میں پہونچا، کھیتی بن گیا

روٹی کا تعلّق جب (حضرتِ) آدم سے ہوا

مُردہ روٹی، زندہ اور با خبر ہوگئی

مُوم اور سوختہ لکڑی جب آگ پر قربان ہوئی

اُس کی تاریک ذات اَنوار بن گئی

سُرمہ کا پتھّر جب آنکھوں میں پہونچا

بینائی کا پتھّر اور آنکھ کا نگہبان بن گیا

بہت ہی قابلِ مبارکباد ہے وہ شخص جو خودی سے

اور کسی زندہ کے وجود سے وابستہ ہوگیا

افسوس ہے اُس زندہ پر جو مُردے کا ہم نشیں ہوا

مردہ ہوگیا اور زندگی اس سے نکل بھاگی

جب تو سچّے قرآن کی پناہ میں آ گیا

اَنبیاء کی روح سے گھل مل گیا

قرآن میں اَنبیاء کے احوال ہیں

جو اللہ کے پاک دریا کی مچھلیاں ہیں

اگر تو پڑھتا ہے اور تو قرآن پر عمل کرنے والا نہیں ہے

اَنبیاء اور اولیاء کا دیدار سمجھ

اگر تو عمل پیرا ہے، جب قصّے پڑھے

تو تیری جان کا پرند پنجرے میں تنگ ہو جائے

جو پرند پنجرے میں قیدی ہے

چھٹکارا نہ چاہے، تو نادانی ہے

جو روحیں پنجروں سے آزاد ہوگئی ہیں

اَنبیاء اور شائستہ مُرشد ہیں

باہر سے اُنکی آواز اِس طرح آتی ہے

کہ تیرے چھٹکارے کا راستہ یہی ہے یہی ہے

ہم اس تنگ پنجرے سے اِسی (راستہ) سے چھوٹے ہیں

اس راستہ کے علاوہ اس پنجرے سے (چھٹنے کی) کوئی تدبیر نہیں ہے

اپنے آپ کو رنجور اور زارو نزار بنا لے

تاکہ تجھے شہرت سے نکال لائیں

مخلوق میں شہرت، مضبوط بیڑی ہے

راہ میں یہ لوہے کی بیڑی سے کب کم ہے