قصۂ بازرگاں کہ طوطی او را پیغام داد بطوطیان ہندوستان ہنگام رفتن بتجارت‌‌

ایک سودا گر کا قصّہ جو ہندوستان کو تجارت کے لئے جارہا تھا اور ایک قیدی طوطی کا ہندوستان کی طوطیوں کو پیغام دینا

ایک سودا گر کے پاس ایک طوطی تھی

ایک خوبصورت طوطی جو پنجرے میں قیدی تھی

جب سودا گر نے سفر کا سامان کیا

اور ہندوستان کی طرف روانگی کا آغاز کیا

ہر غلام اور لونڈی کو بطور بخشش کے

کہا، جلد بتا، تیرے لئے کیا لاؤں؟

ہر ایک نے اُس سے اپنی ایک خواہش ظاہر کی

اِس نیک مرد نے سب سے وعدہ کیا

اُس نے طوطی سے کہا تو کیا سوغات چاہتی ہے

جو تیرے لئے ہندوستان سے لاؤں؟

اُس طوطی نے اُس سے کہا وہاں طوطیاں ہیں

جب تو دیکھے، میرا حال بیان کر دینا

کہ فلاں طوطی جو تمہاری مشتاق ہے

آسمانی فیصلہ کے مطابق وہ ہماری قید میں ہے

اُس نے تمہیں سلام کہا ہے اور انصاف کی درخواست کی ہے

اور تم سے راستہ کی تدبیر اور رہنمائی چاہی ہے

اُس نے کہا ہے کیا یہ مناسب ہے کہ میں شوق میں

اِس جگہ جان دیدوں اور فراق میں مرجاؤں

کیا یہ جائز ہوگا کہ میں سخت قید میں رہوں

اور تم کبھی سبزہ پر اور کبھی درخت پر؟

اے دوستو! وفا ایسی ہی ہوتی ہے

میں اِس قید میں رہوں اور تم باغ میں؟

اے صاحبان! اِس تباہ حال پرند کو یاد کر لو

کسی صبح کو سبزہ زار میں

دوستوں کی یاد دوست کے لئے مبارک ہوتی ہے

خصوصاً جبکہ وہ لیلیٰ اور مجنوں ہو

اے دوستو! (تم) اپنے حسین محبوب کے ساتھ (جام نوش کر رہے ہو)

میں اپنے خون کے پیالے پی رہی ہوں

میری یاد میں ایک پیالہ شراب کا پی

اگر میرے حق میں انصاف کرنا چاہتا ہے

یا، اِس افتادہ خاک چھاننے والے کی یاد میں

جب توپیئے، ایک گھونٹ زمین پر بہادے

ہائے تعجّب! وہ وعدہ اور قسمیں کہاں گئیں؟

اُس شکر جیسے ہونٹ کے وعدے کہاں گئے؟

اگر بندہ سے جدائی اسکی بندگی کو تاہی کی وجہ سے ہے

جب تو بُرے کیساتھ بُرا کرے تو فرق کیا ہے؟

اے (خدا) تو جو برائی غصّہ اور لڑائی میں کرتا ہے

سارنگی کی آواز کے سننے سے بھی زیادہ خوشگوار ہے

اے (خدا) تیرا ظلم (دنیا کی) دولت سے بہتر ہے

اور تپرا انتِقام جان سے زیادہ پیارا ہے

تیری آگ یہ ہے تو تیرا نور کیسا ہوگا؟

تیرا غم ایسا ہے تو تیری شادی کیسی ہوگی؟

تیرا ظلم جو شیرینیاں رکھتا ہے

اور لطافت، کوئی شخص تیری گہرائی کو نہیں پاسکتا ہے

میں روتا ہوں اور ڈرتا ہوں کہ وہ یقین کر لے

اور رحم کھا کر ظلم کو گھٹا دے

میں اُس کے قہر اور مہربانی پر واقعتہً عاشق ہوں

تعجّب ہے میں اِن دو مخالف چیزوں کا عاشق ہوں

واللہ اگر اِس خار سے (ہٹ کر) باغ میں چلا جاؤں

اِس وجہ سے بُلبل کی طرح نالہ کروں

یہ عجیب بُلبل ہے کہ مُنہ پھیلائی ہے

تاکہ گلستاں کو مع کانٹے کے نگل لے

یہ بُلبل نہیں ہے (بلکہ) یہ آگ کا مگر مچھ ہے

عشق کی وجہ سے تمام ناگواریاں اُسکو گوارہ ہیں

وہ کُل کا عاشق ہے اور وہ خود کُل ہے

اپنے آپ کا عاشق ہے اور اپنے عشق کا جویاں ہے