طنز و انکار کردن بادشاه جہود و قبول نکردن نصیحت خاصان خویش‌‌

یہودی بادشاہ کا نصیحت کرنے والوں کی نصیحت پر طنز اور انکار

(جب) یہودی بادشاہ نے یہ عجائب دیکھے

سوائے طنز اور سوائے انکار کے اس سے کچھ نہ ہوا

نصیحت کرنے والوں نے کہا، حد سے نہ گذر

جھگڑے کی سواری کو اس قدر تیز نہ دوڑا

اس نے نصیحت کرنے والوں کے ہاتھ باندھے اور قید کر دیا

ظلم کو پیوند در پیوند کر دیا

جب کام یہاں تک پہونچا، آواز آئی

اے کتے ! ٹھہرا ہما ر قہر آپہونچا ہے

اس کے بعد آگ چالیس گز ابھری

گھیرا ڈالا، اور ان یہودیوں کو جلا دیا

ان کی اصل شروع ہی سے آگ تھی

بالآخر اپنی اصل کی طرف چلے گئے

وہ لوگ آگ ہی سے پیدا ہوئے تھے

اور اجزاء کا کل کی طرف راستہ ہوتا ہے

وہ محض مومن سوز، آگ تھے

آگ نے خود ان کو، تنکے کی طرح جلا دیا

جو شخص بادیہ (دوزخ) کی جڑ ہے

ہادیہ ہی اس کا گوشہ بنی

بچے کی ماں اپنے بچے کی جویا ہے

جڑیں، شاخوں کے درپے ہیں

پانی اگرچہ حوض میں بند ہے

ہوا اس کو جذب کرتی ہے کیونکہ وہ عنصری ہے

(ہوا) اس کو رہائی دیتی ہے اور اس کے معدن تک لے جاتی ہے

تھوڑا ، تھوڑا تاکہ تم اس کے لیجانے کو نہ دیکھو

اسی طرح یہ سانس ہماری جانوں کو

دنیا کے قید خانہ سے تھوڑا تھوڑا چراتا ہے

یہاں تک کہ پاک کلمات اس (اللہ) کی طرف چڑھتے ہیں

ہماری طرف سے اس جگہ تک چڑھتے ہیں جس کو وہ جانتاہے

پرہیزگاری کی وجہ سے ہمارے سانس چڑھتے ہیں

ہماری جانب سے بطور تحفہ کے دارالبقاء تک

پھر کلمات کا بدلہ ہمیں ملتا ہے

اس کو دوکنا ذو الجلال کی طرف سے

اسی طرح وہ چڑھتے اور اترتے ہیں ہمیشہ

یہِ تو وہ اس پر ہمیشہ قائم ہیں

ہم فارسی میں کہتے ہیں یعنی یہ کشش

اس طرف سے آئی ہے کہ جس طرف سے یہ ذوق آیا ہے

ہر قوم کی نظر اس طرف رہتی ہے

کہ جس طرف ایک دن کوئی مزا حاصل کیا ہے

یقینا جنس کو اپنی جنس سے ذوق ہوتا ہے

دیکھو! جز کا ذوق اپنے کل سے ہوتا ہے

یا شاید وہ چیز جنس کو قبول کرنے والی ہے

جب اس جنس سے ملے اسی جنس کی ہوجائے

جیسے پانی اور روٹی ہماری جنس کا نہ تھا

ہماری جنس بن گیا اور ہم میں اضافہ کر دیا

پانی اور روٹی جنسیت کی صورت نہیں رکھتے

لیکن انجام کے اعتبار سے ان کو جنس سمجھو

اور اگر غیر جنس سے ہمارا ذوق ہوگا

وہ شاید ہماری جنس سے مناسبت کرتا ہو

جو مشابہ ہے وہ عارضی ہوتا ہے

انجام کار عارضی چیز باقی نہیں رہتی

پرندہ کو اگر سیٹی سے لطف آتا ہے

جب وہ اپنی جنس کو نہیں پاتا ، بھاگ جاتا ہے

پیاسے کو ، اگر سراب سے ذوق آتا ہے

جب اس میں پہنچتا ہے ، بھاگتا ہے پانی کی جستجو کرتا ہے

مفلس، اگر کھوٹے سونے سے خوش ہوتے ہیں

لیکن وہ ٹکسال میں جا کر بے قدر ہوجاتا ہے

خبردار ! کوئی ملمع ساز تجھے ، راستہ سے نہ بھٹکا دے

خبردار کج خیالی تجھے کنویں میں نہ گرا دے

اس قصہ کو کلیلہ دمنہ میں تلاش کر

اور اس قصہ میں اپنا حصہ طلب کر