سلام کردن رسول روم امیر المومنین را رضی اللہ عنہ

حضرتِ عمرؓ کا قیصر روم کے ایلچی سے بات کرنا اور روم کے ایلچی کا حضرتِ عمرؓ سے سوال کرنا

اُس نے (حضرتِ) عمرؓ کی تعظیم کی اور سلام کیا

پیغمبر (صلی اللہ علیہ وسلّم) نے فرمایا ہے پہلے اسلام پھر کلام

پھر (حضرت عمرؓ نے ) اُسکو وعلیک کہا اور آگے بلایا

اُس کو مطمئن کیا اور اپنے پاس بٹھایا

ڈرنیوالوں کی مہمانی کا کھانا’’نہ ڈرو‘‘ ہے،

اور اُس سے ڈرنے والوں کے لائق(خوشخبری) ہے

جوڈرتا ہے اُسکو مطمئن کرتے ہیں

جس کا دِل ڈرے اُس کو تسکین دیتے ہیں

جس کو ڈر نہ ہو، اُسکو’’نہ ڈر‘‘ تو کیسے کہے گا؟

سبق کیا سکھاتا ہے وہ سبق کا ضرورتمند نہیں ہے

اُس کی برباد طبیعت کو آباد کر دیا

اُس گھبرائے ہوئے کو خوش کر دیا

اُسکے بعد انہوں نے اُس سے باریک باتیں کیں

اللہ پاک کی صفات کے بارے میں جو بہترین رفیق ہے

اور اولیاء پر اللہ تعالیٰ کی نوازشوں کے بارے میں

تاکہ وہ مقام اور حال کو سمجھ جائے

حال، گویا اُس حسین دلہن کا جلوہ ہے

اور مقام، دلہن کے ساتھ خلوت ہے

جلوہ تو شاہ اور شاہ کے غلام (بھی) دیکھتے ہیں

لیکن خلوت کے وقت باعزّت بادشاہ کے سوا کوئی نہیں

دُلہن عوام اور خواص کو جلوہ دکھائی ہے

دلہن کے ساتھ خلوت میں( صرف) بادشاہ ہوتا ہے

صوفیوں میں اہلِ حال بہت ہیں

اُن میں صاحبِ مقام کم ہیں

اُس کو جان کی منزلیں بتلائیں

اور اُس کو روح کے سفر یاد دلائے

اُس زمانہ کی یاد دلائی جو (قیدِ) زماں سے خالی تھا

اور اُس مقامِ قُدس کی جو جلالی ہے

اور اُس ہوا کی جس میں روح کے سیمرغ نے

اِس سے پہلے خوشی کی پرواز دیکھی ہے

اُس کی ہر ایک پر واز عالَم سے بڑھی ہوئی تھی

مشتاق کی امید اور قصد سے بڑھی ہوئی تھی

جب (حضرتِ) عمرؓ نے بیگانہ صورت کو یار پایا

اور اُس کی طبیعت کو اسرار کا طالب پایا

شیخ کامل تھا، اور طالب پُر شوق

سوار ہوشیار تھا، اور سواری تیار

مُرشد نے دیکھا کہ وہ استعداد رکھتا ہے

پاک بیج پاک زمین میں بو دیا