سوال کردن رسول از عمر از سبب ابتلاۓ ارواح با ایں آب و گل اسجاد

روم کے ایلچی کا حضرتِ عمرؓ سے روحوں کے اس آپ و گِل کے جسم میں مبتلا ہونےکا سبب پوچھنا

(حضرتِ) عمرؓ سے بولا کیا حِکمت اور کیا راز تھا؟

اِس مصفیّٰ چیز کو اِس مکدّر مِٹی میں قید کرنے کا

صاف پانی، مٹّی میں چھپا ہوا ہے

مُصفّیٰ روح جسموں سے وابستہ ہوگئی

(حضرتِ عمر نے ) کہا تو عجیب بحث کر رہا ہے

معنیٰ کو لفظوں میں قید کر رہا ہے

آزاد معنیٰ کو تونے قید کر دیا

آواز کو بھی تونے لفظوں کا پابند کر دیا

تو نے فائدہ کے لئے یہ کیا ہے

حالانکہ تو خود فائدہ سے حجاب میں ہے

جس ذات سے وہ فائدہ پیدا ہوا ہے

وہ اُس کو کیوں نہ دیکھے گا جس کو ہم نے دیکھا ہے

لاکھوں فائدے ہیں

اور اُن میں سے ایک کے سامنے لاکھوں فائدے کم ہیں

تیری گویائی جو جزؤں کا جزو ہے

مفید ہوئی، تو کُل کا کُل خالی کیوں ہے؟

تو جو کہ ایک جزو ہے، تیرا کام بافائدہ ہے

پھر تو کُل پر طعنہ زنی کیلئے کیوں آمادہ ہوتا ہے؟

بولنے میں اگر فائدہ نہ ہو تو نہ بول

اگر ہو تو اعتراض چھوڑ دے اور شُکر یہ ادا کر

اللہ کا شُکر ہر گردن میں طوق کی طرح ہونا چاہئے

نہ کہ جھگڑا اور مُنہ بگاڑنا

اگر ترش رو ہونا ہی صرف شُکر ہے

تو سرکہ کا سا شُکر گذار کوئی نہیں ہے

اگر سرکہ کو جگر میں جانے کا راستہ چاہیئے

کہدو، شَکر سے ملکر سکنجیں بنے

شعر میں معنیٰ بیان کرنا بغیر گڑ بڑ (ممکن ) نہیں ہے

جنگل کے پتھّروں کی طرح ہے اُن کا ضبط کرنا ممکن نہیں ہے