ظاہر شدن عجز حکیمان از معالجۂ کنیزک بر بادشاہ و روئے آوردن بادشاہ بہ درگاه خدا و خواب دیدن شاہ ولی را

طبیبوں کا علاج سے عاجز آ جانا اور بادشاہ کو معلوم ہو جانا اور حقیقی بادشاہ کی طرف اس کا رخ کرنا

بادشاہ نے جب طبیبوں کی بے بسی دیکھی

ننگے پاؤں مسجد کی جانب بھاگا

مسجد میں گیا ، محراب کی جانب ہوا

بادشاہ کے آنسوؤں سے سجدے کی جگہ تر ہو گئی

جب وہ فنا کی گہرائی سے نکل کر آپے میں آیا

مدح و ثنا میں خوب زبان کھولی

اے ! وہ کہ دنیا کی سلطنت تیری معمولی بخشش ہے

میں کیا کہوں؟ تو خود پوشیدہ بات جانتا ہے

لیکن تونے کہا ہے، اگرچہ میں تیرا بھید جانتا ہوں

تو بھی جلد اس کو اپنی ظاہری حالت کے مطابق بیاں کردے

جب اس نے تہہ دل سے فریاد کی

اس کی بخشش کا درجا جوش میں آگیا

روتے روتے اس کو نیند آگئی

اس نے خواب میں دیکھا کہ ایک بزرگ ظاہر ہوئے

بولے، اے بادشاہ! بشارت ہے ، تیری حاجتیں پوری ہوئیں

اگر کل کو کوئی اجنبی شخص آئے تو وہ ہماری طرف سے ہے

جب وہ آئے تو ماہر طبیب ہے

اس کو سچا جاننا، وہ سچا اور امانت دار ہے

اس کے علاج میں پورا جادو دیکھنا

اس کے مزاج میں خدا کی قدرت دیکھنا

جب وعدہ کا وقت آگیا اور دن ہو گیا

سورج مشرق سے ، ستاروں کو ختم کرنے والا ہوگیا

بادشاہ جھروکہ میں، منتظر تھا

تا کہ اس بھید کو دیکھ نے جو اس پر ظاہر کیا ہے

اس نے ایک شخص ،کامل ، پر ہنر دیکھا

جو اندھیرے میں سورج تھا

دور سے ، چاند جیسا آرہا تھا

معدوم اور موجود تھا خیال کی طرح

دنیا میں خیال، معدوم کی طرح ہوتا ہے

تو دنیا کو بھی خیال کی طرح چلتی پھرتی چیز سمجھ

ان کی صلح اور لڑائی خیال کے مطابق ہوتی ہے

ان کا فخر اور ذلت خیال ہی سے ہے

وہ خیالات، جو اولیاء کے جال ہیں

خدا کے باغ کے حسینوں کا عکس ہیں

وہ خیال جو بادشاہ نے خواب میں دیکھا

مہمان کے چہرے پر ظاہر ہوا

بادشاہ، دربانوں کے بجائے آگے بڑھا

اپنے غیبی مہمان کے سامنے آیا

دونوں سمندری، تیرنا سیکھے ہوئے

دونوں جامے بلا سئے،پہنے ہوئے

اس نے کہا، میرا معشوق تو تھا نہ وہ

لیکن اس دنیا میں کام سے کام نکلتا ہے

اے ! تو میرا مصطفیٰ ہے ، میں عمر کی طرح ہوں

تیری خدمت گاری کے لیے میں کمر بستہ ہوں