صل علی نبینا، صل علی محمد
دلچسپ معلومات
نعتیہ مخمس
آپ خدا نے جب کہا صل علی محمد
کیوں نہ کہیں پھر انبیا صل علی محمد
عرش سے آتی ہے صدا صل علی محمد
نورِ جمالِ مصطفیٰ صل علی محمد
صل علی نبینا، صل علی محمد
عرش کی کچھ نہیں فقط قائمہ جلیل پر
لوحِ جبینِ مہر پر چشمۂ سلسبیل پر
ثبت یہی نقوش ہیں عدن کی ہر فصیل پر
ہے خطِ نسخ سے لکھا شہپر جبرئیل پر
صلِ علی نبینا، صل علی محمد
لمعۂ ذات کبریا باعثِ خلق جز و کل
فخرِ جمیع مرسلیں رہبر و ہادی سبل
نور سے جس کے ہوگئی آتش کفر بجھ کے گل
بعد نماز تھا یہی ورد وظیفہ رسل
صل علی نبینا، صل علی محمد
میری زباں کہا کہ ہو وصف دوازدہ امام
آلِ نبی و ہاشمی ہیں وہ ائمہ انام
یاد کر ان کو صبح و شام کہیے علیہم السلام
نورِ جمالِ ذاتِ حق ان میں سما رہا تمام
صل علی نبینا، صل علی محمد
بھیجتے ہیں سدا درود وحش و طیور، انس و جن
حور و بہشت جاوداں کس کو ملے ہیں اس کے بن
واہ عجیب چیز ہے، قلب ہو جس سے مطمئن
انشاؔ اگر نجات تو چاہے، تو پڑھ یہ رات دن
صل علی نبینا، صل علی محمد
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
