صل_علیٰ نبینا صل_علیٰ محمدٍ
دلچسپ معلومات
نعتیہ مخمس
آپ کو خدا نے جب کہا صل علیٰ محمدٍ
کیوں نہ کہیں پھر انبیا صل علیٰ محمدٍ
عرش سے آتی ہے صدا صل علیٰ محمدٍ
نور جمال مصطفیٰ صل علیٰ محمدٍ
صل علیٰ نبینا صل علیٰ محمدٍ
عرش کی کچھ نہیں فقط قائمۂ جلیل پر
لوح جبین مہر پر چشمۂ سلسبیل پر
ثبت یہی نقوش ہیں عدن کی ہر فصیل پر
ہے خط نسخ سے لکھا شہپر جبرئیل پر
صل علیٰ نبینا صل علیٰ محمدٍ
لمعۂ ذات کبریا باعث خلق جزو و کل
فخر جمیع مرسلیں رہبر و ہادی سبل
نور سے جس کے ہو گئی آتش کفر بجھ کے گل
بعد نماز تھا یہی ورد و وظیفۂ رسل
صل علیٰ نبینا صل علیٰ محمدٍ
میری زباں کہا کہ ہو وصف دوازدہ امام
آل نبی و ہاشمی وہ وہ ائمہ انام
یاد کر ان کو صبح و شام کہیے علیہم السلام
نور جمال ذات حق ان میں سما رہا تمام
صل علیٰ نبینا صل علیٰ محمدٍ
بھیجتے ہیں سدا درود وحش و طیور انس و جن
حور و بہشت جاوداں کس کو ملے ہیں اس کے بن
واہ عجیب چیز ہے قلب ہو جس سے مطمئن
انشاؔ اگر نجات تو چاہے تو پڑھ یہ رات دن
صل علیٰ نبینا صل علیٰ محمدٍ
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
