'ushshaaq jo hai.n ahmad-e-muKHtaar tumhaare

'ushshaaq jo hai.n ahmad-e-muKHtaar tumhaare

be-zaar hai.n jiine se diidaar tumhaare

rah kar yahii kahte hai.n talabgaar tumhaare

ham garche nahii.n qaabil-e-darbaar tumhaare

kahlaate to hai.n banda-e-sarkaar tumhaare

apne ham-nafaso ko.ii agar jaaye udhar ko

kahnaa shah-e-dii.n se KHabar KHasta-jigar ko

diidaar kii daulat to milii ahl-e-nazar ko

achchhe rahe nazdiik bure jaa.e.n kidhar ko

gul hai.n to tumhaare hai.n jo hai.n KHaar tumhaare

thaa garche munavvar mah-e-kan.aa.n kaa sitaaraa

nuur aap kaa jab diida-e-yaa'quub se guzraa

vo kahne lage dekh ke ye suurat-e-zebaa

yuusuf pe to 'aashiq thii faqat ek zulaiKHaa

yuusuf se hazaaro.n hai.n KHariidaar tumhaare

peshaanii pe abruu-e-mohammad kii hai tahriir

yaa marka-e-badr me.n samsaam kii tanviir

kahte the shujaa'aan-e-'arab dekh vo tasviir

maqtal me.n jo aa.o to na lo haath me.n shamshiir

bas karte hai.n do-abru-e-KHamdaar tumhaare

qum kahne kii takliif uThaate the masiihaa

tab piiro.n me.n kar paate the ik murda ko zinda

tum chashm-e-zadan me.n ye dikhaate ho tamaashaa

murda ko to zinda karo aur zinda ko murda

do vasf hai.n in aa.nkho.n se iz.haar tumhaare

go sab se niraalii hai har ik aan tumhaarii

phir aa.nkho.n me.n KHaaliq ne bharii koT ke shoKHii

har ik ko yahii kahte sunaa jis pe nazar kii

ik mai.n hii nahii.n tiir-e-nigah kaa tirii zaKHmii

bahutere hai.n in aa.nkho.n ke biimaar tumhaare

ab bahr-e-KHudaa chho.D de ai piir-e-falak jaur

'mumtaaz' ko pahu.nchaa de madiina me.n tu fil-faur

juz is ke ye hazrat se karuu.n 'arz mai.n kuchh aur

KHaamosh nahii.n qaabil-e-mahfil jo kisii taur

kuucha me.n vo baiThe pas-e-diivaar tumhaare

'ushshaaq jo hai.n ahmad-e-muKHtaar tumhaare

be-zaar hai.n jiine se diidaar tumhaare

rah kar yahii kahte hai.n talabgaar tumhaare

ham garche nahii.n qaabil-e-darbaar tumhaare

kahlaate to hai.n banda-e-sarkaar tumhaare

apne ham-nafaso ko.ii agar jaaye udhar ko

kahnaa shah-e-dii.n se KHabar KHasta-jigar ko

diidaar kii daulat to milii ahl-e-nazar ko

achchhe rahe nazdiik bure jaa.e.n kidhar ko

gul hai.n to tumhaare hai.n jo hai.n KHaar tumhaare

thaa garche munavvar mah-e-kan.aa.n kaa sitaaraa

nuur aap kaa jab diida-e-yaa'quub se guzraa

vo kahne lage dekh ke ye suurat-e-zebaa

yuusuf pe to 'aashiq thii faqat ek zulaiKHaa

yuusuf se hazaaro.n hai.n KHariidaar tumhaare

peshaanii pe abruu-e-mohammad kii hai tahriir

yaa marka-e-badr me.n samsaam kii tanviir

kahte the shujaa'aan-e-'arab dekh vo tasviir

maqtal me.n jo aa.o to na lo haath me.n shamshiir

bas karte hai.n do-abru-e-KHamdaar tumhaare

qum kahne kii takliif uThaate the masiihaa

tab piiro.n me.n kar paate the ik murda ko zinda

tum chashm-e-zadan me.n ye dikhaate ho tamaashaa

murda ko to zinda karo aur zinda ko murda

do vasf hai.n in aa.nkho.n se iz.haar tumhaare

go sab se niraalii hai har ik aan tumhaarii

phir aa.nkho.n me.n KHaaliq ne bharii koT ke shoKHii

har ik ko yahii kahte sunaa jis pe nazar kii

ik mai.n hii nahii.n tiir-e-nigah kaa tirii zaKHmii

bahutere hai.n in aa.nkho.n ke biimaar tumhaare

ab bahr-e-KHudaa chho.D de ai piir-e-falak jaur

'mumtaaz' ko pahu.nchaa de madiina me.n tu fil-faur

juz is ke ye hazrat se karuu.n 'arz mai.n kuchh aur

KHaamosh nahii.n qaabil-e-mahfil jo kisii taur

kuucha me.n vo baiThe pas-e-diivaar tumhaare