zaahidaa zohd-o-'ibaadat se bataa kyaa hogaa

zaahidaa zohd-o-'ibaadat se bataa kyaa hogaa

huur-o-firdaus mile.nge ye natiija hogaa

par tuu is baat ko ab tak na samjhaa hogaa

kab vo jannat ke liye mahv-e-tamannaa hogaa

jis ne sahraa-e-madiina kabhii dekhaa hogaa

vo na vallaah hasiinaan-e-jahaa.n ko dekhe

tirchhii nazro.n na kabhii ruu-e-butaa.n ko dekhe

bhuule se bhii na ruKH-e-maah-vashaa.n ko dekhe

aa.nkh uThaa kar na kabhii huur-e-jinaa.n ko dekhe

ahmad-e-paak kii suurat kaa jo shoraa hogaa

sab pe zaahir hai ki huu.n 'aashiq-e-sultaan-e-'arab

sar me.n saudaa hai yahii dil me.n yahii ra.nj-o-ta’ab

kyuu.n KHabar us ko na ab tak hu.ii ye kyaa hai Gazab

mere aane kii jo jannat me.n hai rizvaa.n ko talab

’aashiq-e-kuu-e-nabii mujh ko na samjhaa hogaa

hind me.n rahne se mai.n saKHt hu.aa huu.n majbuur

zindagii tho.Dii sii aur dil me.n hai hasrat kaa vufuur

itnaa irshaad to taskii.n ke liye hove zaruur

dar pe kab kushta-e-furqat ko bulaa.oge huzuur

haal par mere karam kab shah-e-vaalaa hogaa

shohrat-e-husn to ham ne bhii sunii yuusuf kii

par na tasviir thii ham-shakl banii yuusuf kii

kyaa hai taqsiir vo shaidaa jo hu.ii yuusuf kii

chaara hotii na zulaiKHaa ko kabhii yuusuf kii

jalva mahbuub-e-KHudaa kaa nahii.n dekhaa hogaa

faKHr e'jaaz pe karte the jo apne 'iisaa

mardaa vo aur the kar dete the jin ko zinda

kushta-e-hijr-e-nabii ko.ii na thaa un ko milaa

jab mai.n samjhuu.ngaa ki ejaaz-e-masiihaa kuchh thaa

ko.ii biimaar-e-mohammad agar achchhaa hogaa

dil pe to kasrat-e-’isyaa.n se hai.n shaahaa sadmaat

kis kashaakash me.n pa.De.n dekhiye ham baa'd-e-mamaat

kuchh magar dil ko tasallii hai sunii jab se ye baat

dam ho jaa.egii is ummat-e-'aasii kii najaat

aap kaa lab jo shafaa'at ke liye vaa hogaa

ye to maanaa ki Gam-e-hijr-e-nabii kaa hai vufuur

par muqaddar ke navishte se bashar hai majbuur

ye samajh kar ki pas az ra.nj muyassar ho suruur

sabr mumtaaz rakho dil me.n ki ik roz zaruur

jazb-e-saadiq hai to us rauza pe jaanaa hogaa

zaahidaa zohd-o-'ibaadat se bataa kyaa hogaa

huur-o-firdaus mile.nge ye natiija hogaa

par tuu is baat ko ab tak na samjhaa hogaa

kab vo jannat ke liye mahv-e-tamannaa hogaa

jis ne sahraa-e-madiina kabhii dekhaa hogaa

vo na vallaah hasiinaan-e-jahaa.n ko dekhe

tirchhii nazro.n na kabhii ruu-e-butaa.n ko dekhe

bhuule se bhii na ruKH-e-maah-vashaa.n ko dekhe

aa.nkh uThaa kar na kabhii huur-e-jinaa.n ko dekhe

ahmad-e-paak kii suurat kaa jo shoraa hogaa

sab pe zaahir hai ki huu.n 'aashiq-e-sultaan-e-'arab

sar me.n saudaa hai yahii dil me.n yahii ra.nj-o-ta’ab

kyuu.n KHabar us ko na ab tak hu.ii ye kyaa hai Gazab

mere aane kii jo jannat me.n hai rizvaa.n ko talab

’aashiq-e-kuu-e-nabii mujh ko na samjhaa hogaa

hind me.n rahne se mai.n saKHt hu.aa huu.n majbuur

zindagii tho.Dii sii aur dil me.n hai hasrat kaa vufuur

itnaa irshaad to taskii.n ke liye hove zaruur

dar pe kab kushta-e-furqat ko bulaa.oge huzuur

haal par mere karam kab shah-e-vaalaa hogaa

shohrat-e-husn to ham ne bhii sunii yuusuf kii

par na tasviir thii ham-shakl banii yuusuf kii

kyaa hai taqsiir vo shaidaa jo hu.ii yuusuf kii

chaara hotii na zulaiKHaa ko kabhii yuusuf kii

jalva mahbuub-e-KHudaa kaa nahii.n dekhaa hogaa

faKHr e'jaaz pe karte the jo apne 'iisaa

mardaa vo aur the kar dete the jin ko zinda

kushta-e-hijr-e-nabii ko.ii na thaa un ko milaa

jab mai.n samjhuu.ngaa ki ejaaz-e-masiihaa kuchh thaa

ko.ii biimaar-e-mohammad agar achchhaa hogaa

dil pe to kasrat-e-’isyaa.n se hai.n shaahaa sadmaat

kis kashaakash me.n pa.De.n dekhiye ham baa'd-e-mamaat

kuchh magar dil ko tasallii hai sunii jab se ye baat

dam ho jaa.egii is ummat-e-'aasii kii najaat

aap kaa lab jo shafaa'at ke liye vaa hogaa

ye to maanaa ki Gam-e-hijr-e-nabii kaa hai vufuur

par muqaddar ke navishte se bashar hai majbuur

ye samajh kar ki pas az ra.nj muyassar ho suruur

sabr mumtaaz rakho dil me.n ki ik roz zaruur

jazb-e-saadiq hai to us rauza pe jaanaa hogaa