گھر گھر دیپک برے لکھے نہی اندھ ہے

گھر گھر چراغ جل رہا ہے (ہر فرد کے اندر بھگوان کی جوت ہے) اندھی آنکھوں کو دکھائی نہیں دیتا۔ لیکن دیکھنے کی کوشش ہو تو ایک دن آنکھیں کھل جائیں گی اور موت کے پھندے کٹ جائیں گے۔ کہنے، سننے اور کرنے کو کچھ بھی نہیں۔ جو جیتے جی مر گیا۔ (جس نے آرزو کو ترک کر دیا) وہ دوبارہ نہیں مرے گا۔ (’’سراپا آرزو ہونے نے بندہ کر دیا ہم کو۔ و گر نہ ہم خدا تھے گر دل سے مدعا ہوتے‘‘ میرؔ) جو جوگی بھگوان کو نہ پا کر ہجر کی تنہائی (بیوگ) تو پاس ہی موجود ہیں (رگِ جاں سے زیادہ قریب ہیں) اور تو کھجور کے پیڑ پر چڑھ کے تلاش کر رہا ہے۔ برہمن گھر گھر جا کر منتر سکھاتا ہے اور لوگوں کو چوپٹ کرتا ہے۔ آب حیات کی دھار (سجیون =سنجیون) تو وجود کے اندر بہہ رہی ہے اور تو پتھر کو پوج رہا ہے۔ کبیرؔ اپنا صاحب تو ایسا سلونا (حسین و جمیل) ہے کہ اس کے سامنے جوگ، جاپ، پُن اور پاپ سب فضول ہیں (اس کو حاصل کرنے کے لیے عبادت، تسبیح، عذاب اور ثواب کسی چیز کی ضرورت نہیں ہے۔)

(ترجمہ: سردار جعفری)