من تو پار اتر کہاں جیہو

اے میرے دل تو پار اتر کر کہاں جائے گا۔ تیرے سامنے نہ تو کوئی رہرو ہے نہ راہ، نہ کوچ ہے نہ مقام، وہاں نہ تو پانی ہے، نہ کوئی ناؤ، نہ کھیون ہارا، ناؤ کے باندھنے کے لے رسی بھی نہیں ہے اور کوئی اسے کنارے کھینچنے والا بھی نہیں ہے۔ زمین، آسمان، وقت (زمان و مکان) سب ناپید ہیں۔ آر پار کچھ نہیں۔ نہ تن ہے نہ من نہ کوئی مقام جہاں روح کی پیاس بجھ سکے۔ شونیہ کے سناٹے اور خلا میں کچھ بھی تو نہیں ہے۔ ہمت سے کام لے اور اپنے گھٹ میں داخل ہو جا۔ (دیکھئے پد نمبر ۶) وہیں کوئی ٹھور ٹھکانہ ملے گا۔ خوب سوچ لے اے دل۔ کہیں اور نہ جانا۔ کبیرؔ کہتے ہیں کہ تخیل اور تصور کو چھوڑ چھاڑ کر اپنے وجود میں محو ہو جا۔

(ترجمہ: سردار جعفری)